Сомонаи бритониёии "Vouchercloud”, ки масоили саёҳат ва ҷаҳонгардиро дунбол мекунад, Боғи Рӯдакии шаҳри Душанберо макони сайёҳии аз ҳама ҷаззобтарини Тоҷикистон барои сайёҳони хориҷӣ донистааст.

Бино ба иттилои ин манбаъ, аксари сайёҳони хориҷие, ки аз Тоҷикистон боздид мекунанд, ҳатман саре ба Боғи Рӯдакӣ ва маконҳои дидании дохили боғу атрофаш, аз ҷумла, милаи 185-метрии Парчами Тоҷикистон мезананд.

Боғи Рӯдакӣ дар маркази пойтахт дар майдони 8 гектар доман густурдааст. Боғ соли 2007 бар асоси нақшаи генералии шаҳри Душанбе навсозӣ шуд.

Аз нигоҳи "Vouchercloud”, калисои Спас-на-Крови дар шаҳри Санкт-Петербург дар Русия, Қалъаи Брест дар Беларус, Боғи фарҳангу фароғати ба номи Максим Горкий дар шаҳри Харкови Украина, "Шаҳри қадима” дар Бокуи Озарбойҷон, дараи Ало-Арча дар Қирғизистон, маҷмааи баландкӯҳи Медеу дар Қазоқистон, майдони Регистони шаҳри Самарқанд дар Узбекистон барои сайёҳон ҷолиб будаанд.