Бахшида ба “Солҳои рушди деҳот, сайёҳӣ ва ҳунарҳои мардумӣ” бо ташаббуси Бахши кор бо ҷавонон ва варзиши ноҳияи Ишкошим дар ҷамоати Юсуфбек Рустамбекови ноҳия намоиши молу маҳсулот гузаронида шуд.

Дар он ҷавондухтарон ва бонувони соҳибҳунар аз ҳамаи ҷамоатҳои ноҳия иштирок намуда, намунаи ҳунари волои куртадӯзӣ, шерозадӯзӣ, мӯҳрабофӣ, тоқидӯзӣ, сабадбофӣ, ҷуроббофӣ, дуруст омода намудани савғотӣ ва ғайраро ба маъраз гузоштанд.

Гулнора Шердилова, мудири бахш гуфт, ки молу маҳсулот ва дастранҷи бонувон натанҳо дар Ҷумҳурии Тоҷикистон бозоргир аст, балки ба туфайли сайёҳони хориҷӣ он қариб ба ҳамаи кишварҳои дунё меравад.