САЙЁҲӢ
Якшанбе 08 Сентябр 2024 04:45
![1228](/upload/iblock/614/%D0%BC%D0%B0%D1%80%D2%B3%D0%B0%D0%BC%D0%B0%D1%82-%D0%B1%D0%B0-%D1%85%D0%B0%D1%82%D0%BB%D0%BE%D0%BD.jpg)
Бегоҳи 27 июл дар шаҳри Кӯлоб Фестивали фарҳангию сайёҳии “Марҳамат ба Хатлон” баргузор гардид.
Меҳмонон аз маҳсули дасти ҳунармандон дидан намуда, ба ҳунари онҳо аҳсант хонданд. Зимни боздид аз ҳунарҳои мардумӣ таъкид гардид, ки бояд ин гуна ҳунарҳои мардумиро ривоҷу равнақ дода, баҳри рушду инкишоф ва ба наслҳои оянда ба мерос гузоштани он фаъолияти худро ба роҳ монем. Зеро ҳунарҳои мазкур яке аз воситаҳои муҳимтарини муарриии фарҳанги бостонӣ дар арсаи байналмилалист.
Мағфират Хидирзода, муовини раиси вилояти Хатлон, иброз дошт, ки Тоҷикистон кишвари дорои захираҳои бойи туристист, ки дар натиҷаи муаррифии он метавон ба муваффақиятҳои назаррас ва рушди босубот ноил гардем. Баргузории чунин чорабиниҳо дар муаррифии имконият, дастовард ва ҳунарҳои миллӣ хеле муҳим мебошад.
Аҳтам Абдуллозода, раиси Кумитаи ҷавонон, варзиш сайёҳии назди Ҳукумати ҷумҳурӣ дар навбати худ ба меҳмонон барои иштироки фаъолона ва саҳм гузоштан дар Фестивали фарҳангию сайёҳии “Марҳамат ба Хатлон”, ки бо мақсади сазовор пешвоз гирифтани 25-солагии Истиқлолияти давлатии Ҷумҳурии Тоҷикистон бахшида шудааст, изҳори сипос баён намуд.
Зикр шуд, ки дар замони муосир соҳаи туризм яке аз бахшҳои муҳими иқтисодӣ, иҷтимоӣ ва фарҳангӣ маҳсуб ёфта, ба рушди бемайлони иқтисодиёти мамлакатҳо ва равобити судманди байни мардумони кишварҳои мухталиф мусоидат менамояд.
- Мероси бойи таърихию фарҳангӣ ва захираҳои табиии ҷумҳурӣ барои ҷалби теъдоди зиёди туристони хориҷӣ ба кишвар мусоидат менамояд. Омилҳои зикршударо ба инобат гирифта, Ҳукумати кишвар соҳаи туризмро самти афзалиятноки сиёсати иқтисодии мамлакат эълон намудааст. Пурсишҳои иҷтимоӣ аз он шаҳодат медиҳанд, ки аз ҷониби туристони хориҷӣ афзалият ба навъҳои туризми экологӣ, кӯҳию варзишӣ ва таърихию фарҳангӣ дода мешавад, - гуфт А. Абдуллозода.
Таъкид гардид, ки вилояти Хатлон дорои иқтидори бойи туристӣ буда, дар оянда метавонад барои инкишофи туризми экологӣ ва таърихию фарҳангӣ саҳми арзанда гузорад. Бо қаноатмандӣ зикр гардид, ки айни замон дар ҳудуди вилоят 9 санаторияу курорт ва беш аз 40 меҳмонхона фаъолият доранд ва ба сокинони ҷумҳурӣ ва меҳмонони хориҷӣ хизмат мерасонанд.
Масъулин ҳадафи аслии баргузор намудани фестивали мазкурро дар вилояти Хатлон, махсусан дар шаҳри Кӯлоб, муаррифии имкониятҳои туристии Тоҷикистон ва омӯзиши иқтидори он барои шарикони миллию байналмилалӣ арзёбӣ намуданд.
Изҳори бовар карда шуд, ки баргузории чунин чорабиниҳо ба беҳтар сохтани фаҳмиши ҷомеа ҷиҳати самаранок истифода бурдани инфрасохтори мавҷуда ва имкониятҳо барои рушди туризми байналхалқӣ дар оянда мусоидат хоҳад намуд.
Дар охир аз ҷониби санъаткорон ва аҳли фарҳанг шоми зебои фарҳангӣ пешкаши иштирокчиёни фестивал ва мардуми шаҳр гардонида шуд.
Б. ХОЛМУРОДОВ,
Г. РАҲМОНОВА,
Ш. ЭШОНОВА
Меҳмонон аз маҳсули дасти ҳунармандон дидан намуда, ба ҳунари онҳо аҳсант хонданд. Зимни боздид аз ҳунарҳои мардумӣ таъкид гардид, ки бояд ин гуна ҳунарҳои мардумиро ривоҷу равнақ дода, баҳри рушду инкишоф ва ба наслҳои оянда ба мерос гузоштани он фаъолияти худро ба роҳ монем. Зеро ҳунарҳои мазкур яке аз воситаҳои муҳимтарини муарриии фарҳанги бостонӣ дар арсаи байналмилалист.
Мағфират Хидирзода, муовини раиси вилояти Хатлон, иброз дошт, ки Тоҷикистон кишвари дорои захираҳои бойи туристист, ки дар натиҷаи муаррифии он метавон ба муваффақиятҳои назаррас ва рушди босубот ноил гардем. Баргузории чунин чорабиниҳо дар муаррифии имконият, дастовард ва ҳунарҳои миллӣ хеле муҳим мебошад.
Аҳтам Абдуллозода, раиси Кумитаи ҷавонон, варзиш сайёҳии назди Ҳукумати ҷумҳурӣ дар навбати худ ба меҳмонон барои иштироки фаъолона ва саҳм гузоштан дар Фестивали фарҳангию сайёҳии “Марҳамат ба Хатлон”, ки бо мақсади сазовор пешвоз гирифтани 25-солагии Истиқлолияти давлатии Ҷумҳурии Тоҷикистон бахшида шудааст, изҳори сипос баён намуд.
Зикр шуд, ки дар замони муосир соҳаи туризм яке аз бахшҳои муҳими иқтисодӣ, иҷтимоӣ ва фарҳангӣ маҳсуб ёфта, ба рушди бемайлони иқтисодиёти мамлакатҳо ва равобити судманди байни мардумони кишварҳои мухталиф мусоидат менамояд.
- Мероси бойи таърихию фарҳангӣ ва захираҳои табиии ҷумҳурӣ барои ҷалби теъдоди зиёди туристони хориҷӣ ба кишвар мусоидат менамояд. Омилҳои зикршударо ба инобат гирифта, Ҳукумати кишвар соҳаи туризмро самти афзалиятноки сиёсати иқтисодии мамлакат эълон намудааст. Пурсишҳои иҷтимоӣ аз он шаҳодат медиҳанд, ки аз ҷониби туристони хориҷӣ афзалият ба навъҳои туризми экологӣ, кӯҳию варзишӣ ва таърихию фарҳангӣ дода мешавад, - гуфт А. Абдуллозода.
Таъкид гардид, ки вилояти Хатлон дорои иқтидори бойи туристӣ буда, дар оянда метавонад барои инкишофи туризми экологӣ ва таърихию фарҳангӣ саҳми арзанда гузорад. Бо қаноатмандӣ зикр гардид, ки айни замон дар ҳудуди вилоят 9 санаторияу курорт ва беш аз 40 меҳмонхона фаъолият доранд ва ба сокинони ҷумҳурӣ ва меҳмонони хориҷӣ хизмат мерасонанд.
Масъулин ҳадафи аслии баргузор намудани фестивали мазкурро дар вилояти Хатлон, махсусан дар шаҳри Кӯлоб, муаррифии имкониятҳои туристии Тоҷикистон ва омӯзиши иқтидори он барои шарикони миллию байналмилалӣ арзёбӣ намуданд.
Изҳори бовар карда шуд, ки баргузории чунин чорабиниҳо ба беҳтар сохтани фаҳмиши ҷомеа ҷиҳати самаранок истифода бурдани инфрасохтори мавҷуда ва имкониятҳо барои рушди туризми байналхалқӣ дар оянда мусоидат хоҳад намуд.
Дар охир аз ҷониби санъаткорон ва аҳли фарҳанг шоми зебои фарҳангӣ пешкаши иштирокчиёни фестивал ва мардуми шаҳр гардонида шуд.
Б. ХОЛМУРОДОВ,
Г. РАҲМОНОВА,
Ш. ЭШОНОВА
Эзоҳи худро нависед