САЙЁҲӢ
Душанбе 29 Ноябр 2021 08:43
1193
Имрӯз, 22 июл, бахшида ба 25-умин солгарди Истиқлолияти давлатии Ҷумҳурии Тоҷикистон Намоишгоҳи байналмилалии универсалии «Тоҷикистон-2016» баргузор гардид.

Ин иқдом бо ташаббуси Палатаи савдо ва саноати Ҷумҳурии Тоҷикистон ва дастгирии Ҳукумати Ҷумҳурии Тоҷикистон то 24 июл дар МД «Кохи Борбад» идома меёбад.

Дар кори намоишгоҳ ширкатҳо аз Федератсияи Руссия, ҷумҳуриҳои Белорус, Қазоқистон, Лаҳистон, Латвия, Покистон, Афғонистон, Чин ва ширкатҳои ватанӣ дар соҳаҳои кишоварзӣ, хӯрокворӣ, саноати сабук, таҷҳизотҳои барқӣ, масолеҳи сохтмонӣ, нақлиёт, тиб, соҳаи сайёҳӣ, саноати дастӣ ва ғайра иштирок менамоянд.

Аз ҷониби Кумитаи ҷавонон, варзиш ва сайёҳӣ гӯшаи сайёҳии мамлакат аз тариқи муаррифӣ, наворҳои иттилоотӣ, харитаву руқъаҳо, ёддоштҳои туристӣ ва намоиши ҳунарҳои дастӣ муаррифӣ карда мешавад.

Таҳлилҳо нишон медиҳанд, ки сол то сол тавассути иштирок дар намоишгоҳҳо ва дигар чорабиниҳои бонуфузи байналмилалӣ мавқеи Тоҷикистон дар бозори ҷаҳонии туристӣ пурқувват мегардад. Маводҳои таблиғотии мақомоти салоҳиятдори давлатии соҳаи туризм ва ширкатҳои туристии мамлакат аз ҷиҳати муҳтаво ғанӣ ва бо шумораи зиёд тавсеа шуда истодаанд. Ин ҳолат барои афзоиш ёфтани ташрифи дӯстдорони сайру саёҳат аз минтақаҳои гуногуни ҷаҳон саҳми арзанда мегузорад.

Қобили қайд аст, ки дар нимсолаи якуми соли 2016 ба кишвар 209 ҳазору 511 нафар шаҳрванди хориҷӣ ташриф оварданд, ки 163 ҳазору 988 нафарашон сайёҳ арзёбӣ мегарданд. Аз ҳисоби онҳо ба иқтисодиёти мамлакат 81 миллиону 994 ҳазор доллари амрикоӣ ворид гаштааст, ки нисбат ба ҳамин давраи соли гузашта 8 миллиону 361 ҳазору 500 доллар зиёд мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.