САЙЁҲӢ
Ҷумъа 27 Декабр 2024 07:24
Беш аз 10000 ширкати туристӣ, ҳавопаймоӣ ва меҳмонхонаҳо ҳар сол дар Берлини Олмон ҷамъ омада, хизматрасониҳояшонро пешкаши ҳаводорони соҳаи туризм мегардонанд
9-13 марти соли равон дар пойтахти Ҷумҳурии Федеролии Олмон 50-умин Намоишигоҳи байналмилалии туристии ITB Berlin доир гашт. Тоҷикистон низ дар ин чорабинии муҳими туристии сатҳи ҷаҳонӣ ширкат кард. Ширкатҳои туристии “Ҷавоҳир”, “Сайру саёҳати кӯҳии Тоҷикистон”, “Помир саёҳат”, “Ором саёҳат”, “Боми ҷаҳон тур” ва ширкати ҳавопаймоии “Сомон Эйр” захираҳои туристии кишварро муаррифӣ карда, бо ширкатҳои туристии давлатҳои дигар гуфтушунид анҷом доданд.
“Ҳар касе Малдивро надидааст, гӯё ба дунё наомадааст”
Ин сухани Толиб Рифоӣ, котиби генералии Ташкилоти ҷаҳонии туристии СММ, мебошад, ки дар расми ифтитоҳи Намоишгоҳи ITB Berlin садо дод. Номбурда гуфт, Малдив табиати нотакрор дорад, вале мутаассифона 30 сол баъд зери об хоҳад монд. “Мо бояд нисбат ба офатҳои табиӣ бетараф набошем. Дар пешгирии онҳо бояд якҷо камари ҳиммат бубандем, - гуфт Толиб Рифоӣ. – Мо бо кишварҳо, хусусан ИМА дар бобати ҷойгир кардани аҳолии Малдив мулоқот доштем”.
Ҷазираҳои Малдив шарики баргузории намоишгоҳи ITB Berlin буд. Зимни маросими ифтитоҳи намоишгоҳ аз ҷониби ҳунармандони ин кишвар шоу-барномаи ҳунарӣ пешкаш гардид.
Кристиан Гук, раиси толори намоишии Берлин, зимни сухани табрикӣ аз ҷумла гуфт, 50 сол мешавад, ки ITB Berlin ширкатҳои туристии тамоми ҷаҳонро ба ҳам меорад. “Дар соли аввали намоишгоҳ (1966) 15 ширкати туристӣ аз 5 давлат ширкат карда буданд. Имрӯз беш аз 100 000 ширкати туристӣ аз 187 давлат дар Берлин ҷамъ меоянд ва дар 1069 гӯша хизматрасониҳои худро дар самти туризм пешкаш мекунанд”.
Ба гуфтаи Толиб Рифоӣ даромад аз туризм дар соли 2015 ба сатҳи рекордӣ расид. Кишварҳои ҷаҳон давоми сол аз соҳаи туризм 1 миллиарду 18 миллион доллари ИМА фоида диданд, ки нисбат ба соли 2014 4,4 дарсад бештар аст. Ин дар ҳолест, ки вазъи сиёсии ҷаҳон он қадар хуб набуд.
- Фишор овардан ба соҳаи туризм маънои боз доштани рушди иқтисод ва таъсиси ҷойҳои кориро дорад. Аз ҳамин лиҳоз ман мехоҳам, ки давлатҳо сиёсати худро нисбат ба туризм ва масоили дигари вобаста ба ҷаҳонгардӣ бозбинӣ кунанд, - гуфт ӯ.
Толиб Рифоӣ аз ҳаводиси ҷаҳони имрӯз ёдовар шуда, аз ҷумла терроризму экстремизмро монеи асосӣ ба рушди соҳа ном бурд. Ин омилҳо боис гаштанд, ки сайёҳони хориҷӣ ба кишварҳои дилхоҳашон рафта натавонистанд. Мо нек мефаҳмем, ки масъалаи амният муҳим аст, вале набояд он барои сайёҳон маҳдудият пеш орад. Ба гуфтаи Толиб Рифоӣ рафтуо дар сарҳадҳо бояд содда карда шавад. Ӯ минтақаи Шенгенро беҳтарин намуна барои аз байн бардоштани сарҳадҳо номид. Минтақаи Шенген 26 давлати Аврупоро дар бар мегирад, ки шаҳрвандонашон бемамониат миёни ҳам рафтуомад мекунанд. “Сиёсатмадорон аз хотир набароранд, ки бо маҳдуд кардани омаду рафти сайёҳони хориҷӣ онҳо ба шаҳрвандонашон на фоида, балки бештар зиён мерасонанд”.
Тоҷикистон дар ду гӯша муаррифӣ шуд
Гӯшаи Тоҷикистон субҳи 9 март бо ширкати Ҳабибулло Амирбекзода, муовини расиси Кумитаи ҷавонон, варзиш ва сайёҳии назди Ҳукумати ҷумҳурӣ, роҳбари гурӯҳ, Маликшо Неъматов, Сафири фавқулодда ва мухтори Ҷумҳурии Тоҷикистон дар Олмон, намояндагони ширкатҳои туристӣ кушода шуд.
Ба гуфтаи Ҳ. Амирбекзода, Тоҷикистон 9 сол мешавад, ки дар ин чорабинии бонуфуз ширкат мекунад. Мақсад бо муаррифии захираҳои туристии кишвар роҳ ёфтан ба бозори ҷаҳонии туризм, пайдо кардани ҳамкорони нав аз ҷумлаи ширкатҳои туристии дигар давлатҳо ва ҷалби сайёҳон ба Тоҷикистон мебошад.
Дар гӯшаи дигар Ассотсиатсияи туристиву экофарҳангии “Помир” Тоҷикистонро муаррифӣ намуд.
Роҳи Абрешим – намуна барои ҳамкориҳои байналмилалӣ
Дар доираи намоишгоҳи ITB Berlin ҳамоиши вазирони туризми кишварҳои ҳавзаи Роҳи Абрешим ва ширкатҳои туристии ин ҳавза доир гашт. Дар ҷаласаи вазирони туризм бурду бохти соҳаи туризм дар кишварҳо баррасӣ шуд. Намояндагони чанд давлат туризми кишварашонро муаррифӣ карданд. Гуфта шуд, бозаргонон тавассути Роҳи Абрешим дар замони қадим даҳҳо ҳазор километрро тай карда, миёни ҳам робитаи тиҷоратӣ доштанд. Имрӯз ин таҷрибаро барои рушди туризм мешавад татбиқ кард.
Муаррифии китоби “Тоҷикистон” бо забони олмонӣ
Дар рафти намоишгоҳ китоби сайёҳи олмонӣ Дагмар Шрейбер бо номи “Тоҷикистон” муаррифӣ шуд. Китоб бо забони олмонӣ навишта шуда, роҳнамоест барои сайёҳоне, ки ба Тоҷикистон меоянд.
Дар китоб омадааст, “Тоҷикистон кишвари дорои баландтарин, бузургтарин ва ҷолибтарин диданиҳо ба ҳисоб меравад. Кӯҳҳои сарбафалаки барфпӯш, обанборҳои бузурги ба мисли парӣ хуфта, пиряхҳои дарозтарин ва либосҳои рангоранги хонумони қашанги ин сарзамин аз ҷумлаи ормонҳои як нафар сайёҳи мағрибӣ ба ҳисоб меравад. Шилдироси дарёчаҳо дар қаъри дараҳои сабзу зебо ва кӯлҳои сокит, кӯҳҳои сабзпӯшу теппаҳои гулафшон ё биёбонҳои сарди бе долу дарахт, шаҳрҳои сабзу бозорҳои серодам ва баландиҳои пурасрору аз панҷаи саноатикунонӣ дурмонда хоси Тоҷикистон буда, ба кас оромии рӯҳу равон ва қуввати ҷисму ҷон ато менамояд. Кофист, то кас борхалтаро ба пушт партофта, озими Тоҷикистон гардад. Табиати ин кишвар бемислу монанд буда, мафҳуми вақт дигаргуна фаҳмида мешавад. Кишваре, ки чи табиати он ва чи ҳаёти иҷтимоӣ ва иқтисодиаш ҳар лаҳза ва ҳар соат дар ҳоли тағйирёбӣ буда, вохӯрӣ бо одамони наҷибу мухталиф ва ба кас эҳсоси худӣ ва фаромушношуданӣ ато мекунад. Cайёҳе боре дар ёддоштҳои худ чунин нигошта буд: «Ҳар гуна роҳнамо оид ба кишварҳои Осиёи Марказӣ чун Тоҷикистон ҳанӯз қабл аз роҳ ёфтанаш ба бозорҳо кӯҳна мегардад, зеро ҳаёт дар кишварҳои ин минтақа тағйирёбанда ва дар ҳоли рушд аст».
Китоби мазкур дар ҳаҷми 448 саҳифа омода гардида, дар он 282 расми ранга ва 20 харитаи ҷуғрофӣ ҷой дода шудаанд. Дар изҳороти матбуотии нашриёт, аз ҷумла чунин гуфта шудааст: «Тоҷикистон бо кӯҳҳои баланди худ дар доираҳои сайёҳии Аврупо ҳамчун “Швейтсарияи Осиёи Марказӣ” ҳисобида мешавад.
Толиб Рифоӣ ба Тоҷикистон хоҳад омад
Моҳи июни имсол Толиб Рифоӣ, котиби генералии Ташкилоти ҷаҳонии туристӣ бо сафари корӣ ба Тоҷикистон хоҳад омад.
Ин нукта зимни мулоқоти Амирбекзода Ҳабибулло, муовини раиси Кумитаи ҷавонон, варзиш ва сайёҳӣ бо Толиб Рифоӣ дар гӯшаи Тоҷикистон дар намоишгоҳи ITB Berlin зикр шуд. Дар мулоқот, ҳамчунин Маликшо Неъматов, Сафири фавқулодда ва мухтори Ҷумҳурии Тоҷикистон дар Олмон ширкат дошт.
Толиб Рифоӣ зимни мулоқот барои рушди туризм дар Тоҷикистон тавсияҳо дода, барномаи сафараш ба Тоҷикистон баррасӣ шуд. Зимни ин сафар котиби генералии ТҶТ ба ғайр аз мулоқоти расмӣ, бо донишҷӯёни донишгоҳҳо вохӯрда, бо тарзи кори ширкатҳои туристӣ ошно хоҳад шуд.
Ҳ. Амирбекзода гуфт, мо аз он ки Ташкилоти ҷаҳонии туристӣ ба кишвари мо таваҷҷуҳ дорад, хурсандем. Умед мекунем, ки сафари ҷаноби котиби генералӣ боиси рушди бештари соҳаи сайёҳӣ мегардад.
Дар анҷом аз ҷониби ҳайати Тоҷикистон ба Толиб Рифоӣ туҳфаи хотиравӣ тақдим шуд.
Ҳамкориҳо тақвият меёбанд
Ширкатҳои туристии кишвар дар намоишгоҳ ба боздидкунандагон маводҳои туристӣ, аз қабили буклету руқъа, аксу дискҳои манзараҳои зебои кишварро тақдим карда, бо ширкатҳои туристии хориҷӣ гуфтушунидҳо анҷом доданд.
Ботсвана – шарики расмии ITB Berlin дар соли 2017
Дар ин бора 9 март зимни як конфронси матбуотӣ миёни директори генералии Ширкати Messe Berlin GmbH Кристиан Гук ва вазири туризми Ботсвана Тшекедӣ Хамаи II созишнома ба имзо расид.
Ба гуфтаи Тшекеди Хамаи дуюм, ширкатҳои туристии Ботсвана тамоми имконотро барои дар соли 2017 кишвари шарики ITB Berlin шудан истифода кард, то дастовардҳо дар мавриди ҳифзи табиатро бо кишварҳои ҷаҳон дар миён бигзорем ва огоҳии аҳолии ҷаҳонро нисбат ба ин кишвар бештар кунем.
Дар ITB Berlin-2017 Ботсвана ба ҳайси шарики расмии намоишгоҳ 7 март дар маросими ифтитоҳи чорабини шоу-барномаи ҳунарӣ ва 8-12 март дар рафти намоишгоҳ бо чорабиниҳои гуногуни фарҳангӣ хотири боздидкунангонро шод хоҳад кард.
9-13 марти соли равон дар пойтахти Ҷумҳурии Федеролии Олмон 50-умин Намоишигоҳи байналмилалии туристии ITB Berlin доир гашт. Тоҷикистон низ дар ин чорабинии муҳими туристии сатҳи ҷаҳонӣ ширкат кард. Ширкатҳои туристии “Ҷавоҳир”, “Сайру саёҳати кӯҳии Тоҷикистон”, “Помир саёҳат”, “Ором саёҳат”, “Боми ҷаҳон тур” ва ширкати ҳавопаймоии “Сомон Эйр” захираҳои туристии кишварро муаррифӣ карда, бо ширкатҳои туристии давлатҳои дигар гуфтушунид анҷом доданд.
“Ҳар касе Малдивро надидааст, гӯё ба дунё наомадааст”
Ин сухани Толиб Рифоӣ, котиби генералии Ташкилоти ҷаҳонии туристии СММ, мебошад, ки дар расми ифтитоҳи Намоишгоҳи ITB Berlin садо дод. Номбурда гуфт, Малдив табиати нотакрор дорад, вале мутаассифона 30 сол баъд зери об хоҳад монд. “Мо бояд нисбат ба офатҳои табиӣ бетараф набошем. Дар пешгирии онҳо бояд якҷо камари ҳиммат бубандем, - гуфт Толиб Рифоӣ. – Мо бо кишварҳо, хусусан ИМА дар бобати ҷойгир кардани аҳолии Малдив мулоқот доштем”.
Ҷазираҳои Малдив шарики баргузории намоишгоҳи ITB Berlin буд. Зимни маросими ифтитоҳи намоишгоҳ аз ҷониби ҳунармандони ин кишвар шоу-барномаи ҳунарӣ пешкаш гардид.
Кристиан Гук, раиси толори намоишии Берлин, зимни сухани табрикӣ аз ҷумла гуфт, 50 сол мешавад, ки ITB Berlin ширкатҳои туристии тамоми ҷаҳонро ба ҳам меорад. “Дар соли аввали намоишгоҳ (1966) 15 ширкати туристӣ аз 5 давлат ширкат карда буданд. Имрӯз беш аз 100 000 ширкати туристӣ аз 187 давлат дар Берлин ҷамъ меоянд ва дар 1069 гӯша хизматрасониҳои худро дар самти туризм пешкаш мекунанд”.
Ба гуфтаи Толиб Рифоӣ даромад аз туризм дар соли 2015 ба сатҳи рекордӣ расид. Кишварҳои ҷаҳон давоми сол аз соҳаи туризм 1 миллиарду 18 миллион доллари ИМА фоида диданд, ки нисбат ба соли 2014 4,4 дарсад бештар аст. Ин дар ҳолест, ки вазъи сиёсии ҷаҳон он қадар хуб набуд.
- Фишор овардан ба соҳаи туризм маънои боз доштани рушди иқтисод ва таъсиси ҷойҳои кориро дорад. Аз ҳамин лиҳоз ман мехоҳам, ки давлатҳо сиёсати худро нисбат ба туризм ва масоили дигари вобаста ба ҷаҳонгардӣ бозбинӣ кунанд, - гуфт ӯ.
Толиб Рифоӣ аз ҳаводиси ҷаҳони имрӯз ёдовар шуда, аз ҷумла терроризму экстремизмро монеи асосӣ ба рушди соҳа ном бурд. Ин омилҳо боис гаштанд, ки сайёҳони хориҷӣ ба кишварҳои дилхоҳашон рафта натавонистанд. Мо нек мефаҳмем, ки масъалаи амният муҳим аст, вале набояд он барои сайёҳон маҳдудият пеш орад. Ба гуфтаи Толиб Рифоӣ рафтуо дар сарҳадҳо бояд содда карда шавад. Ӯ минтақаи Шенгенро беҳтарин намуна барои аз байн бардоштани сарҳадҳо номид. Минтақаи Шенген 26 давлати Аврупоро дар бар мегирад, ки шаҳрвандонашон бемамониат миёни ҳам рафтуомад мекунанд. “Сиёсатмадорон аз хотир набароранд, ки бо маҳдуд кардани омаду рафти сайёҳони хориҷӣ онҳо ба шаҳрвандонашон на фоида, балки бештар зиён мерасонанд”.
Тоҷикистон дар ду гӯша муаррифӣ шуд
Гӯшаи Тоҷикистон субҳи 9 март бо ширкати Ҳабибулло Амирбекзода, муовини расиси Кумитаи ҷавонон, варзиш ва сайёҳии назди Ҳукумати ҷумҳурӣ, роҳбари гурӯҳ, Маликшо Неъматов, Сафири фавқулодда ва мухтори Ҷумҳурии Тоҷикистон дар Олмон, намояндагони ширкатҳои туристӣ кушода шуд.
Ба гуфтаи Ҳ. Амирбекзода, Тоҷикистон 9 сол мешавад, ки дар ин чорабинии бонуфуз ширкат мекунад. Мақсад бо муаррифии захираҳои туристии кишвар роҳ ёфтан ба бозори ҷаҳонии туризм, пайдо кардани ҳамкорони нав аз ҷумлаи ширкатҳои туристии дигар давлатҳо ва ҷалби сайёҳон ба Тоҷикистон мебошад.
Дар гӯшаи дигар Ассотсиатсияи туристиву экофарҳангии “Помир” Тоҷикистонро муаррифӣ намуд.
Роҳи Абрешим – намуна барои ҳамкориҳои байналмилалӣ
Дар доираи намоишгоҳи ITB Berlin ҳамоиши вазирони туризми кишварҳои ҳавзаи Роҳи Абрешим ва ширкатҳои туристии ин ҳавза доир гашт. Дар ҷаласаи вазирони туризм бурду бохти соҳаи туризм дар кишварҳо баррасӣ шуд. Намояндагони чанд давлат туризми кишварашонро муаррифӣ карданд. Гуфта шуд, бозаргонон тавассути Роҳи Абрешим дар замони қадим даҳҳо ҳазор километрро тай карда, миёни ҳам робитаи тиҷоратӣ доштанд. Имрӯз ин таҷрибаро барои рушди туризм мешавад татбиқ кард.
Муаррифии китоби “Тоҷикистон” бо забони олмонӣ
Дар рафти намоишгоҳ китоби сайёҳи олмонӣ Дагмар Шрейбер бо номи “Тоҷикистон” муаррифӣ шуд. Китоб бо забони олмонӣ навишта шуда, роҳнамоест барои сайёҳоне, ки ба Тоҷикистон меоянд.
Дар китоб омадааст, “Тоҷикистон кишвари дорои баландтарин, бузургтарин ва ҷолибтарин диданиҳо ба ҳисоб меравад. Кӯҳҳои сарбафалаки барфпӯш, обанборҳои бузурги ба мисли парӣ хуфта, пиряхҳои дарозтарин ва либосҳои рангоранги хонумони қашанги ин сарзамин аз ҷумлаи ормонҳои як нафар сайёҳи мағрибӣ ба ҳисоб меравад. Шилдироси дарёчаҳо дар қаъри дараҳои сабзу зебо ва кӯлҳои сокит, кӯҳҳои сабзпӯшу теппаҳои гулафшон ё биёбонҳои сарди бе долу дарахт, шаҳрҳои сабзу бозорҳои серодам ва баландиҳои пурасрору аз панҷаи саноатикунонӣ дурмонда хоси Тоҷикистон буда, ба кас оромии рӯҳу равон ва қуввати ҷисму ҷон ато менамояд. Кофист, то кас борхалтаро ба пушт партофта, озими Тоҷикистон гардад. Табиати ин кишвар бемислу монанд буда, мафҳуми вақт дигаргуна фаҳмида мешавад. Кишваре, ки чи табиати он ва чи ҳаёти иҷтимоӣ ва иқтисодиаш ҳар лаҳза ва ҳар соат дар ҳоли тағйирёбӣ буда, вохӯрӣ бо одамони наҷибу мухталиф ва ба кас эҳсоси худӣ ва фаромушношуданӣ ато мекунад. Cайёҳе боре дар ёддоштҳои худ чунин нигошта буд: «Ҳар гуна роҳнамо оид ба кишварҳои Осиёи Марказӣ чун Тоҷикистон ҳанӯз қабл аз роҳ ёфтанаш ба бозорҳо кӯҳна мегардад, зеро ҳаёт дар кишварҳои ин минтақа тағйирёбанда ва дар ҳоли рушд аст».
Китоби мазкур дар ҳаҷми 448 саҳифа омода гардида, дар он 282 расми ранга ва 20 харитаи ҷуғрофӣ ҷой дода шудаанд. Дар изҳороти матбуотии нашриёт, аз ҷумла чунин гуфта шудааст: «Тоҷикистон бо кӯҳҳои баланди худ дар доираҳои сайёҳии Аврупо ҳамчун “Швейтсарияи Осиёи Марказӣ” ҳисобида мешавад.
Толиб Рифоӣ ба Тоҷикистон хоҳад омад
Моҳи июни имсол Толиб Рифоӣ, котиби генералии Ташкилоти ҷаҳонии туристӣ бо сафари корӣ ба Тоҷикистон хоҳад омад.
Ин нукта зимни мулоқоти Амирбекзода Ҳабибулло, муовини раиси Кумитаи ҷавонон, варзиш ва сайёҳӣ бо Толиб Рифоӣ дар гӯшаи Тоҷикистон дар намоишгоҳи ITB Berlin зикр шуд. Дар мулоқот, ҳамчунин Маликшо Неъматов, Сафири фавқулодда ва мухтори Ҷумҳурии Тоҷикистон дар Олмон ширкат дошт.
Толиб Рифоӣ зимни мулоқот барои рушди туризм дар Тоҷикистон тавсияҳо дода, барномаи сафараш ба Тоҷикистон баррасӣ шуд. Зимни ин сафар котиби генералии ТҶТ ба ғайр аз мулоқоти расмӣ, бо донишҷӯёни донишгоҳҳо вохӯрда, бо тарзи кори ширкатҳои туристӣ ошно хоҳад шуд.
Ҳ. Амирбекзода гуфт, мо аз он ки Ташкилоти ҷаҳонии туристӣ ба кишвари мо таваҷҷуҳ дорад, хурсандем. Умед мекунем, ки сафари ҷаноби котиби генералӣ боиси рушди бештари соҳаи сайёҳӣ мегардад.
Дар анҷом аз ҷониби ҳайати Тоҷикистон ба Толиб Рифоӣ туҳфаи хотиравӣ тақдим шуд.
Ҳамкориҳо тақвият меёбанд
Ширкатҳои туристии кишвар дар намоишгоҳ ба боздидкунандагон маводҳои туристӣ, аз қабили буклету руқъа, аксу дискҳои манзараҳои зебои кишварро тақдим карда, бо ширкатҳои туристии хориҷӣ гуфтушунидҳо анҷом доданд.
Ботсвана – шарики расмии ITB Berlin дар соли 2017
Дар ин бора 9 март зимни як конфронси матбуотӣ миёни директори генералии Ширкати Messe Berlin GmbH Кристиан Гук ва вазири туризми Ботсвана Тшекедӣ Хамаи II созишнома ба имзо расид.
Ба гуфтаи Тшекеди Хамаи дуюм, ширкатҳои туристии Ботсвана тамоми имконотро барои дар соли 2017 кишвари шарики ITB Berlin шудан истифода кард, то дастовардҳо дар мавриди ҳифзи табиатро бо кишварҳои ҷаҳон дар миён бигзорем ва огоҳии аҳолии ҷаҳонро нисбат ба ин кишвар бештар кунем.
Дар ITB Berlin-2017 Ботсвана ба ҳайси шарики расмии намоишгоҳ 7 март дар маросими ифтитоҳи чорабини шоу-барномаи ҳунарӣ ва 8-12 март дар рафти намоишгоҳ бо чорабиниҳои гуногуни фарҳангӣ хотири боздидкунангонро шод хоҳад кард.
Хабарҳои дигар
Рӯзнома
Эзоҳи худро нависед