САЙЁҲӢ
Панҷшанбе 25 Апрел 2024 09:34
20 март бо ташаббуси Кумитаи ҷавонон, варзиш ва сайёҳӣ дар ҳамкорӣ бо мақомоти иҷроияи ҳокимияти давлатии шаҳри Душанбе дар Муассисаи давлатии «Душанбе-Плаза» Конфронси миллии сайёҳӣ таҳти унвони “Наврӯз мероси фарҳангии сайёҳӣ” баргузор гардид.
Дар чорабинии мазкур роҳбарияти Кумитаи ҷавонон, варзиш ва сайёҳӣ, Вазорати фарҳанг, Академияи илмҳои Тоҷикистон, Маркази тадқиқоти стратегии назди Президенти Ҷумҳурии Тоҷикистон, ширкатҳои сайёҳӣ, устодону донишҷӯёни муассисаҳои таҳсилоти олии касбӣ ва намояндагони васоити ахбори оммаи миллӣ иштирок намуданд.
Нахуст, Аҳтам Абдуллозода раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба сухан баромада, иброз дошт, ки ҳадафи чорабинии имрӯзаи мо низ муаррифии бузург ва шаҳомати ҷашани Наврӯз ҳамчун соли нави мардуми ориёӣ бо расму оинҳои таърихӣ ба ҷомеаи ҷаҳонӣ, махсусан сайёҳон мебошад.
“Наврӯз ҳамчун мероси фарҳангии сайёҳӣ воситаи бозгашт ба оғоз, огоҳӣ аз урфу одати миллӣ тарғибу ташвиқи мероси бойи таърихию фарҳангӣ, захираҳои табиию рекреатсионӣ, ҷалби ҷавонон ба донишандӯзиву эҳтиром ба муқаддасоти миллӣ, арҷгузорӣ ба таъриху тамаддун, маданият, урфу одат, анъана ва фарҳанги волои миллати тоҷик мусоидат менамояд” – афзуд Аҳтам Абдуллозода.
Ҳамчунин дар рафти конфронс Шамсиддин Орумбекзода Вазири фарҳанги Ҷумҳурии Тоҷикистон дар мавзӯи “Наврӯз мероси фарҳангии сайёҳӣ”, Фарҳод Раҳимӣ президенти Академияи илмҳои Тоҷикистон дар мавзӯи “Арзишҳои миллӣ омили муаррифии Тоҷикистон ҳамчун миллати тамаддунсоз”, Худобердӣ Холиқназар директори Маркази тадқиқоти стратегии назди Президенти Ҷумҳурии Тоҷикистон дар мавзӯи “Пешвои миллат – ташаббусикори эълон гардидани Наврӯз ҳамчун Иди байналмилалӣ” ва Раҷабмад Амиров муовини ректори Донишкадаи фарҳанг ва санъати Тоҷикистон дар мавзӯи “Эҳёи расму оинҳои миллӣ ҳамчун мероси таърихиву фарҳангӣ” маърӯза намуданд.
Қобили тазаккур аст, ки баргузории чунин чорабиниҳо ба баланд бардоштани фаҳмиши ҷомеа ҷиҳати самаранок истифода намудани имкониятҳои табиию таърихӣ ва фарҳангии кишвар, инчунин беҳтар гаштани сатҳи некӯахволии мардум мусоидат менамояд.
Шералӣ АЗИМӢ “ҶТ”
Дар чорабинии мазкур роҳбарияти Кумитаи ҷавонон, варзиш ва сайёҳӣ, Вазорати фарҳанг, Академияи илмҳои Тоҷикистон, Маркази тадқиқоти стратегии назди Президенти Ҷумҳурии Тоҷикистон, ширкатҳои сайёҳӣ, устодону донишҷӯёни муассисаҳои таҳсилоти олии касбӣ ва намояндагони васоити ахбори оммаи миллӣ иштирок намуданд.
Нахуст, Аҳтам Абдуллозода раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба сухан баромада, иброз дошт, ки ҳадафи чорабинии имрӯзаи мо низ муаррифии бузург ва шаҳомати ҷашани Наврӯз ҳамчун соли нави мардуми ориёӣ бо расму оинҳои таърихӣ ба ҷомеаи ҷаҳонӣ, махсусан сайёҳон мебошад.
“Наврӯз ҳамчун мероси фарҳангии сайёҳӣ воситаи бозгашт ба оғоз, огоҳӣ аз урфу одати миллӣ тарғибу ташвиқи мероси бойи таърихию фарҳангӣ, захираҳои табиию рекреатсионӣ, ҷалби ҷавонон ба донишандӯзиву эҳтиром ба муқаддасоти миллӣ, арҷгузорӣ ба таъриху тамаддун, маданият, урфу одат, анъана ва фарҳанги волои миллати тоҷик мусоидат менамояд” – афзуд Аҳтам Абдуллозода.
Ҳамчунин дар рафти конфронс Шамсиддин Орумбекзода Вазири фарҳанги Ҷумҳурии Тоҷикистон дар мавзӯи “Наврӯз мероси фарҳангии сайёҳӣ”, Фарҳод Раҳимӣ президенти Академияи илмҳои Тоҷикистон дар мавзӯи “Арзишҳои миллӣ омили муаррифии Тоҷикистон ҳамчун миллати тамаддунсоз”, Худобердӣ Холиқназар директори Маркази тадқиқоти стратегии назди Президенти Ҷумҳурии Тоҷикистон дар мавзӯи “Пешвои миллат – ташаббусикори эълон гардидани Наврӯз ҳамчун Иди байналмилалӣ” ва Раҷабмад Амиров муовини ректори Донишкадаи фарҳанг ва санъати Тоҷикистон дар мавзӯи “Эҳёи расму оинҳои миллӣ ҳамчун мероси таърихиву фарҳангӣ” маърӯза намуданд.
Қобили тазаккур аст, ки баргузории чунин чорабиниҳо ба баланд бардоштани фаҳмиши ҷомеа ҷиҳати самаранок истифода намудани имкониятҳои табиию таърихӣ ва фарҳангии кишвар, инчунин беҳтар гаштани сатҳи некӯахволии мардум мусоидат менамояд.
Шералӣ АЗИМӢ “ҶТ”
Хабарҳои дигар
Рӯзнома
Эзоҳи худро нависед