Корвони рӯзноманигоронро, ки шоми имрӯз ба шаҳри Хоруғ ворид шуданд, масъулини шаҳр ва намояндаи раиси вилоят пешвоз гирифт.

Дар ин сафар, ки аз 9 то 13 май идома дорад, рӯзноманигорон дар баробари шиносоии наздик бо вазъи зисту зиндагии мардуми вилоят, корҳои созандагиву бунёдкорӣ, омодагӣ ба ҷашни Ваҳдати миллӣ, ки имсол сатҳи ҷумҳуриявии 19-умин солгарди он дар ин вилоят ҷашн гирифта мешавад, ҳамчунин нақши васоити ахбори умум дар ба даст овардани Ваҳдати миллӣ ва роҳҳои таҳкими онро зимни як ҳамоиши илмӣ рӯзи 12-ум бо иштироки мутахассисону коршиносон баррасӣ менамоянд.