САЙЁҲӢ
Ҷумъа 07 Октябр 2022 02:41
2582
16 март дар бинои Вазорати корҳои хориҷии Ҷумҳурии Тоҷикистон мулоқоти Аҳтам Абдуллозода раиси Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон бо Абдуллоҳ Муҳаммад Ал Бассомӣ раиси ширкати тиҷоратии «Al-bassami Group of Сompanies» баргузор гардид.

Дар мулоқот масъалаҳои рушди ҳамкориҳои Тоҷикистону Арабистони Саудӣ дар самти соҳаи сайёҳӣ матраҳ гардид.

Аҳтам Абуллозода аз имкониятҳои сайёҳе, ки дар Ҷумҳурии Тоҷикистон мавҷуданд ёдовар шуда, зикр кард, ки бо дарназардошти табиати биҳиштосо ва кӯҳҳои осмонбӯсу кулу дарёҳои зебо, сол то сол ба кишвар ташрифи сайёҳон афзуда истодааст. «Агар дар соли 2015 аз 59 кишвари дунё сайҳон ба Ҷумҳурии Тоҷикистон ташриф овара бошанд, пас ин шумора дар соли 2016 ба 109 давлати дунё расид, ки ин гувоҳи рушди туризм дар кишвари мо мебошад. Шумо, ки мутахассиси хуби соҳаи сайёҳӣ ҳастед, умедворам аз имкониятҳои мавҷудаи ин соҳа дар Ҷумҳурии Тоҷикистон истифода мебаред ва мо омодаем, дар шуруъ намудани ҳамкориҳои дуҷонибаи мутақобилан судманд ҳамаҷониба мусоидат намоем»,- афзуд Аҳтам Абдуллозода, Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.

Абдуллоҳ Муҳаммад Ал Бассомӣ дар навбати худ иброз дошт:  «Аз он замоне, ки ман ба Ҷумҳурии Тоҷикистон ташриф овардам, аз меҳмоннавозию истиқболи мизбонон то ҳол худро дар ин ҷо бегона ҳис накардаам. Инчунин аз маълумотҳое, ки ман дар мулоқотҳои худ бардошт кардам, мехоҳам дар соҳаи сайёҳӣ, ки дар ин кишвар дар ҳоли рушд қарор дорад бо кӯмакҳои бевоситаи шумо ва дигар роҳбароне, ки бо онҳо мулоқот намудам ҳамкорӣ намоям»

Шералӣ АЗИМӢ “ҶТ”


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Октябр 2022 c.