5 майи соли 2017 дар шаҳри Ҳисор бо ташаббуси Кумитаи ҷавонон, варзиш ва сайёҳӣ дар заминаи амалӣ намудани Барномаи рушди туризм дар Ҷумҳурии Тоҷикистон дар давраи солҳои 2015-2017 семинари омӯзишӣ ҷиҳати омӯзиши қоидаҳои техникаи бехатарӣ ҳангоми хизматрасонӣ ба сайёҳон бо иштироки намояндагони иншоотҳои хизматрасон ва ширкатҳои сайёҳӣ доир гардид.

Мақсад аз баргузории семинар омӯзиши иттилоотнокии сайёҳон оид ба масъалаҳои бехатарии онҳо, барои ба талаботи бозори муосири соҳаи туризм мутобиқ намудани сифати хизматрасониҳо, омода намудани роҳбаладони касбӣ арзёбӣ мегардад.

Зеро яке аз шартҳои асосии рушди туризм ин таъмини бехатарии сайёҳон ба ҳисоб меравад. Бехатарии сайёҳ бевосита аз тадбирҳои андешидаи субъектҳои хоҷагидори соҳаи туризм ҳангоми ташкили хатсайрҳо вобастагӣ дорад.

Шералӣ АЗИМӢ “ҶТ”