САЙЁҲӢ
Ҷумъа 20 Сентябр 2019 09:08
971
Феълан бештари сайёҳон аз кишвари ҳамсояи Қирғизистон тариқи дараи Вахони ноҳияи Ишкошим (Ваханский коридор) ба ноҳия ворид гашта, баъдан тариқи роҳи абрешим аз ҷумҳуриамон ба давлатҳои Афғонистону Хитой мераванд.

Ё худ барои тамошои ҳайвоноти нодир, кӯли Қарақӯл ва қаиқронӣ ташриф оварда , баъдан ба ноҳияи Мурғоб мераванд.

Ба гуфти Некушо Саодатсайров, мудири бахши ҷавонон, варзиш ва сайёҳии ноҳияи Ишкошим имсол воридшавии сайёҳони хориҷию ватанӣ ба ноҳияи Ишкошим ҳанӯз аз моҳи феврал оғоз шудааст. Ин дар ҳолест, ки аз аввали ин моҳ теъдоди ками онҳо ба ноҳия омада, ҳозир бошад шумораи зиёди сайёҳони хориҷӣ маҳз тариқи корвони мошинҳои худдӣ ё худ ҷиптуру экотуризм ба Ишкошим ташриф овардаанд.

Ба хотири дидорбинии ёдгориҳои таърихӣ аз қабили истеҳкомҳои назоратӣ, дижҳову қалъаҳои Ринди бостонӣ, ки аз давраи сулолаи Кӯшониён дар ноҳия боқӣ монданд, ҷаҳонгардон таваҷӯҳи хос доранд.

Мувофиқи тавзеҳоти мавсуф ҷиҳати мушаххас намудани теъдоди умумии онҳо дар намояндагии бахши мазкури  ноҳия ашхоси масъуле бояд тайъин шаванд.

Баъзе аз сайёҳон дар хатсайриҳои автомобилгард мустақиман ҳаракат доранд ва сари роҳҳо хайма ороста, дар меҳмонхонаҳо  ба қайд гирифта намешаванд. Чаро ки соли гузашта дар самти ба қайдгирии сайёҳон идораҳои марбути ноҳия маълумотҳои ҳархела пешниҳод карданд ва барои аниқ кардани онҳо то андозае ба мамониат мувоҷеҳ шудем. Оиди ин масъала бояд тадбирҳои зарурӣ андешида шаванд,- иброз дошт Н. Саодатсайров.  

Машҳур ИМОНАЗАРОВ, ҶТ
  


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.