САЙЁҲӢ
Чоршанбе 22 Август 2018 04:54
4702
Ҷумҳурии Тоҷикистон аз ҷиҳати захираҳои об дар ҷаҳон яке аз ҷойҳои намоёнро ишғол мекунад. Дарёҳои калонтарини Осиёи Марказӣ - Сир ва Ому аз ҳудуди мамлакати мо мегузаранд. Илова ба ин ду дарёи бузург дар ҳудуди Тоҷикистон рӯду дарёҳои сероби зиёде мавҷуданд, ки дар баробари ба оби тозаи ошомиданӣ таъмин намудани мардум, ҳамчунин дар рушди соҳаи кишоварзии кишвар аҳамияти калон доранд. Дар ин росто бо вуҷуди сероб будани кишвари мо, мутаассифона аз сабаби нобаробар ҷойгир будани захираҳои об дар ҷумҳурӣ баъзе ноҳияҳо аз об танқисӣ мекашанд. Асосгузори сулҳу ваҳдати миллӣ – Пешвои миллат, Президенти ҷумҳурӣ муҳтарам Эмомалӣ Раҳмон, на танҳо дар кишвари мо, балки дар тамоми ҷаҳон пешниҳодҳое намуданд, ки барои рафъи мушкилиҳои ҷойдошта оварда расонидааст. Эълон намудани соли 2003 ҳамчун “Соли оби тоза”, солҳои 2005-2015 ҳамчун Даҳсолаи байналмилалии амалиёт “Об барои ҳаёт”, соли 2013 ҳамчун “Соли байналмилалӣ ҳамкорӣ дар соҳаи об” ва Даҳсолаи нави байналмилалии амал “Об барои рушти уствор ” барои солҳои 2018-2028 аз он ҷумлаанд, ки аз онҳо тамоми ҷомеаи ҷаҳонӣ пуштибонӣ намуданд.

Об - ҳамчун манбаи ҳаёт василаи рушди устувор, гарави саломатӣ буда, бе он зиндагӣ вуҷуд дошта наметавонад. Об - ҳамчун гарави дастрасӣ ба беҳдошти муносиб, ҳамчун захираи энергетикӣ ва амнияти озуқаворӣ, ҳамчун самти фаъолияти дипломатӣ бо мақсади ҳалли ихтилофҳо баҳри дастрасӣ ба ин захираи бузурги энергетикӣ ва даҳҳо дигар мавзӯъҳо, ки ҷомеаи ҷаҳонӣ дар доираи онҳо корбарӣ менамояд, маҳсуб меёбад. Дар ин раванд об яке аз мавзӯъҳои муҳиме мебошад, ки пайваста дар рӯзномаҳо ва ҷаласаҳои бузурги миллӣ муҳокима гардида, ҳамчун масъалаи муҳими минтақавӣ ва глобалӣ қарор дорад.

Ташаббусҳои Пешвои миллат, муҳтарам Эмомалӣ Раҳмон ҷиҳати роҳандозии ҳамкории бештари ҷомеаи ҷаҳонӣ дар роҳи расидан ба рушди уствор дар соҳаи об заминаи мусоид фароҳам меоранд ва масъулияти сокинони Ҷумҳурии Тоҷикистонро зиёдтар мекунад .

Коршиносон СММ иброз намудаанд, ки имрӯз зиёда аз як миллиард сокинони сайёра аз норасоии оби нӯшокӣ азият мекашанд. Вобаста ба ин созмони мазкур иқдоми ҷадидеро баҳри коҳиш додани вазъи норасоии оби нӯшокӣ дар ҷаҳон ба миён гузоштааст. Тибқи оморҳои расмӣ алъон ҳудуди 2,4 миллиард нафар одамони дунё дар шароити бади санитарӣ умр ба сар мебаранд. Дар бештари кишварҳои Қораи Африқо сокинон 5 соати як рӯзро дар ҷустуҷӯи оби нӯшокӣ сарф мекунанд. Норасоии оби ошомиданӣ яке аз сабабҳои асосии афзоиши наёфтани кӯдакон арзёбӣ гардида, ҳамасола дар ҷаҳон то 5 миллион одам аз норасоии оби ошомиданӣ ба ҳолакат мерасанд, ки бештари онҳоро кӯдакон ташкил медиҳад.

Тибқи пешгӯиҳои Институти тадқиқотии Уқёнуси Ором давоми бист соли оянда мушкили норасоии оби ошомидани сабаби марги 34 миллион сокинони сайёра мегардад. Гуфта мешавад, ки норасоии об дар кишварҳои осебпазир сабабгори пайдоиши бемориҳо гардида, бар асари он дар ҳар 8 сония як кӯдак фавтидаистодааст. Аз ҷумла, мутахассисон хурӯҷи бемориҳои марговар дар кишварҳои Африкоӣ Ҷанубиро ба норасоии оби ошомиданӣ нисбат медиҳанд.

Мо - ҷавононии Тоҷикистон, аз сероб будани сарзамини бузургамон бояд ҳамеша бифахрем. Зеро Тоҷикистон аз захираҳои обӣ бой буда, қариб 70000 пирях, 155 кӯли гуногунҳаҷм, 930 дарё, даҳҳо ҳазор чашма ва обанборҳои дар кишвари мо ҷойгиранд. Тоҷикистон барҳақ яке аз манбаю захираҳои оби тоза ба ҳисоб меравад. Аз ҷиҳати захираи об дар ИДМ Ҷумҳурии Тоҷикистон ҷои дуюмро ишғол мекунад ва ҳамчун мамлакати биҳиштосо барои ҳар як сонини он аст.

З. РАҶАБОВ, Ф. КАРИМОВА,
донишҷӯёни факултети журналистикаи ДМТ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Август 2018 c.