САЙЁҲӢ
Панҷшанбе 25 Феврал 2021 12:12
983
Имрӯз, 10-уми июн, Толиб Рифоӣ, котиби генералии Ташкилоти ҷаҳонии сайёҳӣ (ТҶС) дар Донишкадаи соҳибкорӣ ва хизмат бо донишҷӯёни риштаи туризми муассисаҳои таҳсилоти олӣ ва миёнаи махсуси мамлакат мулоқот намуд.



Толиб Рифоӣ иброз дошт, ТҶС бо донишгоҳу донишкадаҳои ҷаҳон дар тамос ва ҳамкории доимӣ қарор дорад. 132 донишгоҳу донишкадаҳои ҷаҳон ба донишомӯзии “Нетворк”-и ташкилот, ки барои рушди туризм таъсис ёфтааст, пайвастаанд. Ӯ аз ректори донишкада хоҳиш кард, ки барои пайваст шудани донишкадаи соҳибкорӣ ва хизмат ба ин донишомӯзӣ дархост пешниҳод намояд. “Ин иқдоми нек аст барои таҷрибаомӯзӣ байни донишҷӯёни тамоми дунё. Ҳар сол ба Мадрид, ки қароргоҳи талкилот он ҷо воқеъ аст, аз тамоми ҷаҳон 150 нафар донишҷӯ даъват карда мешаванд ва барои онҳо вобаста ба туризм тренингҳои омӯзишӣ гузаронида мешавад. Шумо ҳам метавонед ба он ҷо рафта муддати ду-се моҳ таҷриба омӯзед. Инчунин 3-4 донишҷӯи беҳтарини соҳаи туризмро ба ин барнома ҳамроҳ карда, таклиф менамоем, ки таҷрибаомӯзӣ ва нозукиҳои соҳаи сайёҳиро омӯзанд. Ин яке шароитҳои мусоид барои донишҷӯён аст”, - гуфт Т. Рифоӣ. 



Ба андешаи котиби генералии ТҶС, Тоҷикистон барои рушди сайёҳӣ иқтидори зиёд дорад. Табиати Тоҷикистон бениҳоят тозаю ҷолиб аст. 

- Шумо бояд шукргузорӣ аз он кунед, ки дар як ҷавҳари зебои дунё зиндагӣ доред, - гуфт дар идома Толиб Рифоӣ. - Бисёриҳо дидани чунин манзараҳои зеборо орзу мекунанд. Дар Тоҷикистон туризми экологӣ, табиӣ, саргузаштиро, ки дар ҷаҳон ҷойи намоён дорад, равнақ бахшидан мумкин. Дар ин самтҳо сайёҳони зиёдро мешавад ҷалб кард. Потенсиали бузургтарини дигаре, ки дар Тоҷикистон ҳаст, фарҳанги бою ғании мардум мебошад. Ин омил низ барои сайёҳоне, ки мехоҳанд ба Тоҷикистон биёянд, нақши асосиро мебозад. Ҳамаи инро бештар ба ҷаҳониён бояд муаррифӣ кард. Барои бештар таблиғ намудани ҳамаи ин донишҷӯён, ки ояндаи рушди туризм ба шумо вобаста аст, нақши босазо доранд, - афзуд Т. Рифоӣ.



Сипас, Аҳтам Абдуллозода, раиси Кумитаи ҷавонон, варзиш ва сайёҳӣ Толиб Рифоиро барои сазовор гардиданаш ба унвони профессори фахрии Донишкадаи соҳибкорӣ ва хизмат таҳният гуфта, қайд кард: “Соҳаи туризм ҳамчун як самти афзалиятноки рушди иқтисоди миллӣ, зери таваҷҷуҳи бевоситаи Президенти ҷумҳурӣ Эмомалӣ Раҳмон қарор дорад ва баҳри рушди ин соҳа заминаҳои меъёрию ҳуқуқӣ ва ташкилию инфрасохторӣ фароҳам оварда шуда истодаанд. Барои донишҷӯёни тоҷик боиси ифтихор ва сарфарозист, ки бо Котиби генералии Ташкилоти ҷаҳонии сайёҳӣ мулоқот карданд. Имрӯз зиёда аз 10 муассисаи таҳсилоти олӣ ва миёнаи махсуси мамлакат дар риштаи бисёр муҳими соҳаи иқтисодиёт, яъне туризм мутахассис омода мекунанд. Мо бояд дар ба даст овардани донишҳои замонавӣ кӯшиш кунем, зеро шароити таҳсил ва имкониятҳоямон низ рӯз аз рӯз беҳтару хубтар шуда истодааст. Пешравии соҳа ба кадрҳои соҳибихтисос вобастагии ногусастанӣ дорад”.  

Дар фарҷоми мулоқот миёни донишҷӯёни фаъол ва котиби генералии ТҶС маҳфили саволу ҷавоб сурат гирифт. Инчунин, аз тарафи донишкада ба Толиб Рифоӣ туҳфаи хотиравӣ супорида шуд.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.