Дар доираи тантанаҳои ҷумҳуриявии ҷашни Рўзи Ваҳдати миллӣ дар Вилояти Мухтори Кўхистони Бадахшон гузаронидани мизи мудаввар дар мавзуи «Нақши ВАО дар таҳкими ваҳдати миллӣ» ба нақша гирифта шудааст.
Чорабинии мазкур рўзи 12 майи соли 2016 дар чойхонаи Боғи миллии шаҳри Хоруғ доир мегардад- мегўяд Зинатуллоҳ Исмоилзода раиси Иттифоқи журналистони Тоҷикистон.

Бо ин мақсад корвони журналистони тоҷик рўзи 9 май аз шаҳри Душанбе ба маркази Вилояти Мухтори Кўҳистони Бадахшон роҳсипор мегардад.

Дар давоми панҷ рўз намояндагони воситаҳои ахбори омма бо дастовардҳои мардуми вилоят ошно гардида, ҷараёни омодагӣ ба таҷлили бошукӯҳи ҷашни Ваҳдати миллиро инъикос менамоянд.

Сипас, онҳо дар мизи мудаввар бо иштироки 60 нафар намояндагони мақомоти давлатӣ, Дастгоҳи иҷоияи Президенти Тоҷикистон, Маркази тадқиқоти стратегӣ, Кумитаи телевизион ва радиои назди Ҳукумати Ҷумҳурии Тоҷикистон , Кумитаи иҷроияи Ҳаракати ваҳдати миллӣ ва эҳёи Тоҷикистон ва воситаҳои ахбори оммаи ҷумҳурӣ масъалаҳои вобаста ба нақши воситаҳои ахбори омма дар барқарории сулҳу салоҳ дар кишвар ва таҳкими ваҳдати миллиро баррасӣ менамоянд.

Телефон барои маълумоти иловагӣ: 919323402, 918248112 Мутасаддӣ: Наҷмиддин Шоҳинбод – котиби масъули Иттифоқи журналистон.