САЙЁҲӢ
Ҷумъа 10 Июл 2020 03:16
2759
Имрӯз, 5-май бо ташаббуси Кумитаи ҷавонон, варзиш ва сайёҳӣ дар ҳамкорӣ бо Вазорати меҳнат, муҳоҷират ва шуғли аҳолии кишвар бахшида ба “Соли ҷавонон” дар Маркази фарҳангии “Ориёно” ярмаркаи ҷойҳои кории холӣ баргузор гардид.

Дар ярмаркаи мазкур ҷавонон ва дигар қишрҳои ҷомеа иштирок намуда, баҳри пайдо намудани ҷойи кори муносиб бо масъулини корхонаву муассисаҳои гуногуни давлатӣ ҳамсуҳбат шуданд.

Таъкид гардид, ки ярмаркаи мазкур аз ҷониби Агентии меҳнат ва шуғли аҳолии Вазорати меҳнат, муҳоҷират ва шуғли аҳолии кишвар дар ҳамкорӣ бо Кумитаи ҷавонон, варзиш ва сайёҳӣ ташкил карда шуда, чунин ярмаркаҳо алҳол дар ВМКБ, вилоятҳои Хатлону Суғд ва шаҳру ноҳияҳои тобеи марказ тавассути сохторҳои маҳаллӣ идома дорад.

Дар ярмаркаҳои мазкур, ки дар тамоми ҷумҳурӣ ҷараён дорад, зиёда аз 1700 корхонаву ташкилот ва муассисаҳои кишвар барои қонеъ намудани талаботи худ бо кадрҳои соҳибмаълумот ва мутахассисон ба корҷӯён беш аз 10000 ҷойҳои кории холӣ пешниҳод намуданд, ки ба соҳаҳои маориф, тандурустӣ, фарҳанг, нақлиёту алоқа ва хизматрасонии маишӣ тааллуқ дорад.

Беҳрӯз ХОЛМУРОДОВ, “ҶТ”




Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.