Ба муносибати 20–умин солгарди Рӯзи Ваҳдати миллӣ дар боғи фарҳангӣ–фароғатии “Чорбоғ”–и шаҳри Хоруғ чорабинии идона баргузор гардид, ки дар он роҳбарияти мақомоти иҷроияи маҳаллии ҳокимияти давлатии вилоят, идораву сохторҳо, аҳли зиё, фарҳанг, меҳмонони хориҷӣ, Раёсати кор бо ҷавонон ва варзиш ва сокинони вилоят иштирок намуданд.

Нахуст Шодихони Ҷамшед, раиси ВМКБ ҳозирин ва кулли мардуми кишварро ба муносибати ин ҷашни Ваҳдати миллӣ табрик намуда, қайд кард:

“Раванди ногусастанӣ ва иродаи қавии мардуми тоҷик аст, ки таҳти сарварии Роҳбариятии олии мамлакат бузургтарин неъмат–Ваҳдати миллиро аз самими қалб пос дошта, арзиши бемисли онро барои наслҳои минбаъда талқин менамоянд”.

Шодихони Ҷамшед чанд тан аз собиқадорони меҳнат, кормандони идораву муассисаҳои вилояту шаҳр, маориф ва илм ва дигар сохторҳоро бо ифтихорномаи фахрӣ қадрдонӣ намуд.

Баъди анҷоми қисмати фарҳангии чорабинӣ бо иштироки беҳтарин ҳунармандони вилоят дар тарабхонаи “Ориёно”–и Хоруғ зиёфати идона баргузор гардид.

Машҳур ИМОМНАЗАРОВ, “ҶТ”