- Иттилоот имрӯз натанҳо васила ё як маълумотнома дар бораи касе ё чизе ҳаст. Иттилоот як воситаи бисёр муҳими таъмини муоширати иҷтимоӣ дар ҷомеа, таъмини ҳамгироӣ, сафарбарнамоии ҷомеа барои ба дастоаврдани ҳадафҳои дар пешистода, ҳамчун васила барои нигоҳ доштани қудрат дар арсаи балналмилалӣ истифода мешавад, - гуфт муовини раиси вилояти Хатлон Махфират Хидирзода.

Бо ҳамин мазмун рӯзи 20 апрел дар толори театри ба номи Ато Муҳаммадҷонови шаҳри Қӯрғонтеппа семинар-машварат таҳти унвони "Иттилоот ва нақши он дар таъмини субботу амнияти ҷомеа" доир гардид.

Дар он муовини раиси вилояти Хатлон Махфират Хидирзода, раиси шаҳри Қӯрғонтеппа Амирулло Асадулло, имомхатибони шаҳру навоии вилоят ва намояндагони ВАО иштирок намуданд.

Дар семинар-машварат оиди мавзуъҳои "Иттилоот ва омилҳои ташаккули тафаккури созанда дар замони ҷаҳонишавӣ", "Ҷомеаи муосир ва роҳои пешгирии ақидаҳои ифротӣ", " ВАО ва таъсири он дар ҷомеа" маърузаҳо пешниҳод шуданд.

Раиси шаҳри Қӯрғонтеппа Амирулло Асадулло, ба сухан баромада иброз намуд, ки "Ҳар камбуде, ки дар ҷомеа мешавад пеш аз ҳама сарчашмаи он ин тарбияи нодурусти мо дар оила мебошад. Бояд имрӯз мову шумо фарзандонамонро дар руҳияи ватндӯстиву худшиносии миллӣ тарбия намоем”.

Дар охири семинар имомхатибони шаҳру навоҳии вилоят андешаҳои худро дар мавриди иттилоот ва нақши он дар сулҳ, таҳкими ваҳдат ва осоиштагии мардум ба ҳозирин пешниҳод намуданд.

Умед Мирзоев, "ҶТ"