Дар шаҳри Қӯрғонтеппа байни хонандагони синфҳои болоии муассисаҳои таҳсилоти миёнаи умумӣ ва литсейҳои шаҳр озмуни “Хонандаи беҳтарин” баргузор гардид.

Ба иштирокчиёни озмун саволҳои тестӣ аз фанҳои гуманитарӣ ва дақиқ пешниҳод гардид. Озмун бо иштироки 34 нафар хонандагони муассисаҳои таҳсилоти миёнаи умумӣ ва литсейҳои шаҳр доир гардида, ғолибон бо диплом ва туҳфаҳои таъсиснамудаи Бахши ҷавонон, варзиш ва сайёҳии шаҳри Қӯрғонтеппа сарфароз гардонида шуданд.

Тавре сармутахассис Бахши ҷавонон, варзиш ва сайёҳии шаҳр Ҳ. Маҳмуродов гуфт, озмун дар ҳамкорӣ бо шуъбаи маорифи шаҳри Қӯрғонтеппа баҳри ба донишомӯзӣ фаро гирифтани хонандагон дар давраи таътил, бедор намудани ҳисси ватандӯстиву сулҳпарастии наврасону ҷавонон ва дастгириву ҳавасмандгардонии ҷавонони лаёқатманд доир карда шудааст.