Чанде пеш, бо ташаббуси бахши кор бо ҷавонон ва варзиши шаҳри Қӯрғонтеппа ва волонтёрони назди бахш, бахшида ба “Соли ҷавонон” аксияи иттилоотӣ таҳти унвони “Танзим баракати зиндагӣ”, Либоси миллӣ – оинаи ниёгон аст” баргузор намуданд.

Дар доираи аксия аз ҷониби волонтёрон дар кӯчаҳои шаҳр ба сокинону меҳмонон беш аз 4000 маводҳои иттилоотӣ тақсим карда, аз сокинон даъват ба амал оварданд, ки ҳамчун шаҳрванди масъулиятнок барои ҳифзи арзишҳои миллӣ, тарғиби фарҳангӣ либоспӯшии миллӣ, татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва дигар қонунҳои миллӣ саҳмгузор бошанд.

Сипас, дар назди теппаи «Қӯрғон» чорабинии фарҳангӣ – фароғатии Шоми ҷавонӣ таҳти унвони «Мо – ҷавонон ҷонибдори қонунҳои миллӣ» ва «Пайравони Пешвои миллатем» бо иштироки беш аз 3000 нафар наврасону ҷавонони шаҳр гузаронида шуд.

Ба иттилои Азиз Азимов муовини сардори Раёсати кор бо ҷавонон ва варзиши вилояти Хатлон чунин чорабинӣ дар шаҳру ноҳияиҳои Сарбанд, Норак, Бохтар, Вахш, Шаҳритӯс, Қубодиён, Дӯстӣ, Хуросон ва Абдураҳмони Ҷомӣ гузаронида шуд.