Бахши кор бо ҷавонон ва варзиши шаҳри Қӯрғонтеппа дар доираи нақшаи чорабиниҳо бахшида ба ҷашни 26-солагии Истиқлолияти давлатӣ ва “Соли ҷавонон” дар қисми низомии 3503-и қушунҳои Вазорати корҳои дохилии Ҷумҳурии Тоҷикистон дар шаҳри Қӯрғонтеппа бо сарбозон ва афсарон вохӯрӣ баргузор намуд.

Исматуллозода Ҷамолиддин, мудири Бахши кор ҷавонон ва варзиши шаҳр дар аввал сарбозону афсаронро бахшида ба ҷашни 26-солагии Истиқлолияти давлатӣ ва “Соли ҷавонон” табрик намуда иброз доштанд, ки “Ҷавонони мо дар тамоми соҳаҳои хоҷагии халқи кишвар ва сохторҳои муҳими давлатӣ кору фаъолият менамоянд.

Марзу буми Ватани хешро бо як ҳисси баланди миллӣ ҳифз менамоянд. Дар нигоҳ доштани тартиботи ҷамъиятӣ ва амнияти мардуми кишвар саҳмгузоранд. Бо чунин ҷавонони ватандӯст мо ифтихор менамоем”.

Дар фарҷоми чорабинӣ аз тарафи Бахши кор бо ҷавонон ва варзиши шаҳр 10 нафар сарбозони намунавӣ бо сипоснома қадрдонӣ карда шуданд.

Умед МИРЗОЕВ, “ҶТ”