Аз 10 то 16 июл дар шаҳри Гааги шоҳигарии Ҳоланд, 4-умин Олимпиадаи байналмилалии “STEM” аз фанҳои табиатшиносӣ, математика ва технологияи иттилоотӣ доир шуд, ки 8 нафар хонандагони Муассисаи таълимии хусусии Абдураҳмони Ҷомии шаҳри Душанбе дар он иштирок намуданд.

Дар ин хусус гурӯҳи фейсбукии Сарраёсати маорифи шаҳри Душанбе иттилоъ медиҳад.

Бино ба иттилои манбаъ дар даври ниҳоии олимпиада хонандагони тоҷик ба гирифтани 5 ҷойи III мушарраф гардиданд, ки аз он 3 ҷой аз фанни математика ва 2 ҷой аз фанҳои табиатшиносӣ мебошад.

Гуфта мешавад, ки дар даври охири он зиёда аз 700 нафар хонанда аз 30 кишвари дунё ширкат намуданд.

Гулафшон КАРИМОВА,“ҶТ”