3-юми май,  дар толори КВД “Маркази ҷумҳуриявии иттилоот ва тамоюли ҷавонон” ҷаласа дар мавзӯи баррасии “Барномаи амалӣ оид ба назорат ва арзёбии (мониторинги) ҷараёни татбиқи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2019-2021” бо ҷавонони фаъоли шаҳр доир гардид.

Дар ҷаласа Шаҳзод Раҳимзода, Сардори Раёсати кор бо ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикстон зимни суханронии хеш иброз намуданд, ки вазифаи ҷаласа баррасии мушкилотҳои ошкоргардида дар ҷараёни татбиқи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2015-2018 ва пешгирии онҳо дар амалигардонии Барномаи навбатӣ, мукаммалгардонии Барномаи амалӣ оид ба назорат ва арзёбии ҷараёни татбиқи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2019-2021, ба нақша гирифтани таъсиси гуруҳи корӣ вобаста ба такмил додани нишондиҳандаҳои сиёсати давлатии ҷавонон ва ба нақша гирифтани давраҳои омӯзишӣ барои мутахассисони сатҳи маҳал ҷиҳати омӯхтани низоми мониторинг ва арзёбии барномаҳои минтақавию маҳаллӣ мебошад.