Чанде пеш дар толори Донишгоҳи давлатии тиҷоратии Тоҷикистон мулоқоти раиси ноҳияи Ашт Зариф Мирдадо, бо донишҷӯёне, ки аз ноҳияи Ашт дар донишгоҳҳои олии шаҳри Душанбе таҳсил мекунанд, баргузор гардид.

Дар мулоқот ҳамчунин Холмуҳаммадзода Азизмуҳаммад Холмуҳаммад, вакили Маҷлиси намояндагони Маҷлиси Олии Ҷумҳурии Тоҷикистон, Ҳабибулло Амирбекзода, муовини раиси Кумитаи ҷавонон, варзиш ва сайёҳӣ ва 400 нафар донишҷӯён ширкат варзиданд.
Зариф Мирдадо, зимни сӯҳбат бо донишҷӯён таъкид дошт: “Мо дар ноҳия ба мутахассисони баландихтисоси равоншинос, асабшинос ва рентгенолог ниёз дорем ва умед мекунем, ки аз байни донишҷӯён чунин мутахассисон тарбия меёбанд”.

Дар охир ба 50 нафар донишҷӯ кӯмакпулии яквақтаинаи мақомоти иҷроияи ҳокимияти давлатии ноҳияи Ашт тақдим гардида, барномаи фарҳангӣ манзури ҳозирин гардонида шуд.

Шералӣ АЗИМӢ, “ҶТ”