ҶАВОНОН
Шанбе 20 Апрел 2024 01:16
Ҳадафи сиёсати давлатии мо дар бахши ҷавонон тарбияи кадрҳо, мутахассисони донишманду соҳибмаърифат, насли дорои ҷаҳонбинии васеъ ва хислатҳои ватандӯстиву ватанпарастй мебошад.
Эмомалӣ Раҳмон
Тавре маълум аст, Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ майдони муколамаи озоди байни давлат ва бахши хусусӣ буда, он бо мақсади таъмини рушди иқтисодӣ тавассути муколамаи давлат ва бахши хусусӣ бо ҷалби соҳибкорон ба раванди ислоҳот, таҳти сарварии Пешвои миллат муҳтарам Эмомалӣ Раҳмон, ки раиси ин Шӯро мебошанд, таъсис дода шудааст.
Дар ҷаласаҳои Шӯро бо иштироки бевоситаи соҳибкорон, бахусус соҳибкорони ҷавон масъалаҳои муҳими самти соҳибкорию сармоягузорӣ баррасӣ гардида, қарорҳои дахлдор қабул мегардад. Қобили қайд аст, ки то имрӯз 17 ҷаласаи Шӯро баргузор гардида, тавассути Шӯрои машваратӣ ислоҳоти муҳим дар самти беҳсозии фазои сармоягузориву соҳибкорӣ, аз ҷумла дар бахшҳои энергетика, саноат, кишоварзӣ ва рушди тиҷорати аграрӣ, сохтмон, сайёҳӣ, суғурта, рушди бозори такрории қоғазҳои қиматнок, биржаҳои фондӣ ва дигар соҳаҳои иқтисодиёт гузаронида шуданд, ки имрӯзҳо натиҷаи назаррас дода истодаанд.
Ҳамчунин, бо ташаббуси Пешвои миллат, муҳтарам Эмомалӣ Раҳмон бо мақсади дастгирии молиявии соҳибкорон, Муасиссаи давлатии “Фонди дастгирии соҳибкории назди Ҳукумати Ҷумҳурии Тоҷикистон” таъсис ёфта, ба соҳибкорони ватанӣ аз ҳисоби буҷети давлатӣ маблағҳои муайян ҷудо карда мешавад. Фонди мазкур аз ибтидои фаъолияти хеш дар асоси қарорҳои Шӯрои нозирон ба 139 лоиҳаҳои тиҷоратии субъектҳои соҳибкории соҳаҳои гуногуни ҷумҳурӣ дар ҳаҷми 138,2 млн. сомонӣ маблағҳои имтиёзноки қарзӣ ҷудо намудааст.
Муассиса бо ҷудо намудани маблағҳои имтиёзноки қарзӣ ба таҷдид ва таъсиси коргоҳу корхонаҳои истеҳсоли маҳсулот дар минтақаҳои ҷумҳурӣ шароит муҳайё намуда, дар ин ҷода ба рушди истеҳсолоти воридотивазкунанда ва содироти молу маҳсулот мусоидат менамояд. Муассиса дар фаъолияти кории хеш 87 лоиҳаи тиҷоратии субъектҳои соҳибкориро ҷиҳати таъсиси коргоҳу корхона ба маблағи 66,3 млн. сомонӣ ва 52 лоиҳаи тиҷоратиро ҷиҳати таҷдиди коргоҳу корхонаҳо ба маблағи 71,9 млн. сомонӣ дар шаҳру ноҳияҳои кишвар дастгирӣ намудааст, ки дар маҷмуъ 47 шаҳру ноҳияро ташкил медиҳад.
Бо иштироки намояндагони доираҳои бонуфузи соҳибкорию сармоягузорӣ мунтазам форуму ҳамоишҳои дуҷониба бо мамлакатҳои ҳамшарики иқтисодӣ ва ҳар сол 14 октябр дар доираи таҷлили “Рӯзи соҳибкорон”, форумҳои байналмилалии соҳибкорию сармоягузорӣ баргузор мегардад, ки соҳибкорони ҷавон дар онҳо иштирок намуда, фаъолияту дастовард ва лоиҳаҳои худро муаррифӣ мекунанд. Дар ин замина бо пайдо кардани шарикон ва ҷалби сармоя ба ҷумҳурӣ саҳми арзандаи худро дар устувор кардани пояҳои иқтисодиёти мамлакат мегузоранд.
Имрӯзҳо нақши ҷавонон ҳамчун соҳибкор дар бунёди корхонаю коргоҳҳои хурду миёна, корхонаҳои истеҳсолӣ, муассисаҳои варзишиву фароғатӣ, марказҳои соҳибкорӣ, марказҳои ҷавонон, бизнес–инкубаторҳо, паркҳои технологӣ назаррас мебошад.
Ҳоло аз 189 ҳазор соҳибкори инфиродӣ, ки дар ҷумҳурӣ фаъолият доранд, 51 ҳазор нафари онҳоро ҷавонон ташкил медиҳанд. Барои амалӣ гардидани ташаббусҳои ҷавонон ба онҳо грантҳои алоҳида ҷудо шуда, тавассути он ба рушди соҳибкории хурду миёна миёни ҷавонон мусоидат карда мешавад.
Таъсис додани ҷойҳои корӣ аз масъалаҳои муҳими иқтисодию иҷтимоӣ ба ҳисоб рафта, он дар барномаву стратегияҳои Ҳукумати ҷумҳурӣ дарҷ гардидааст ва тадриҷан татбиқ мегардад. Аз як ҷониб ин тадбирҳо бо таъсис додани ҷойҳои корӣ, аз ҷумла тавассути баланд бардоштани донишу малака ва ихтисосмандии аҳолӣ, бахусус ҷавонон ва аз тарафи дигар саҳмгузории худи ҷавонон дар ин раванд тадбирҳо амалӣ мегардад.
Дар замони Истиқлолият барои ҷалби самараноки ҷавонон дар раванди рушди иқтисодию иҷтимоии кишвар ва баланд бардоштани донишу малакаи соҳибкорони ҷумҳурӣ, аз ҷумла соҳибкорони ҷавон эътибори ҷиддӣ дода мешавад.
Вобаста ба ин, дар баробари дигар чорабиниҳо, дар доираи тадбирҳои Ҳукумати кишвар бо мақсади вусъат додани соҳибкорӣ байни ҷавонон, беҳтар намудани вазъи бахши хусусӣ, дастгирии ҷавонон ва рушди ҳамкориҳо оид ба беҳтар намудани фазои сармоягузорӣ Лоиҳаи рушди иқтидор ва тавсеаи имкониятҳои соҳибкорӣ миёни ҷавонон амалӣ карда шуд.
Лоиҳа дар доираи фаъолияти Кумитаи давлатии сармоягузорӣ ва идораи амволи давлатӣ, Котиботи Шӯрои машваратии назди Президенти кишвар оид ба беҳтар намудани фазои сармоягузорӣ амалӣ карда шуд.
Лоиҳа аз ду компонент: 1) Мусоидат намудан барои татбиқи дастгирии ҷавонон ва рушди бахши хусусӣ. 2) Рушди соҳибкории ҷавонон: “Ояндаатро бисоз! Соҳибкор шав!”, иборат мебошад.
Марҳилаҳои нахустини лоиҳа дар муҳлати аз 20 июни соли 2016 то 01 августи соли 2016 гузаронида шуда, он 3838 ҷавони синни 17-25-ро аз 60 минтақаи гуногуни ҷумҳурӣ, махсусан аз деҳот фаро гирифт. Дар доираи барнома, дар ноҳияҳо ва деҳоти мухталифи Тоҷикистон 3 лагери иқтисодӣ ва 150 курси омӯзиши вобаста ба барномаи коммуникатсионӣ оид ба масоили асосҳои соҳибкорӣ, аз худ кардани асосҳои молия ва иқтисодӣ, пайдо намудан ва рушд додани малакаи роҳбарӣ, соҳибкорӣ, роҳҳо ва усулҳои таҳия намудани бизнес –идеяҳо, ташкили тиҷорат ва дигар масъалаҳои вобаста ба соҳибкорӣ гузаронда шудааст. Дар ин раванд Кумитаи ҷавонон, варзиш ва сайёҳии назди Ҳукумати ҷумҳурӣ, мақомоти иҷроияи маҳаллии ҳокимияти давлатӣ дар шаҳру ноҳияҳои кишвар ҳамаҷониба мусоидат намуданд.
Бояд гуфт, ки дар марҳилаи навбатии лоиҳа раванди муаррификунии бизнес-нақшаҳо дар байни иштирокчиён ва дар назди мақомотҳои дахлдор ба нақша гирифта шуда, он ба фароҳам овардани шароити рушди робита ва ҳамкорӣ байни соҳибкорон, мақомотҳои давлатӣ, ташкилотҳои ғайритиҷоратӣ, ҷавонон ва муассисаҳои таълимӣ, ҷалби сохторҳои давлатӣ оид ба маориф ва соҳибкорӣ барои мусоидат намудан ба фаъолияти соҳибкории ҷавонон дар назар дошта мешавад.
Яке аз чорабиниҳои муҳим Форуми байналмилалии соҳибкорони ҷавон, таҳти унвони “Ҷавонон - муҳаррики рушди соҳибкории инноватсионӣ” ба ҳисоб рафта, он аз тарафи Кумитаи давлатии сармоягузорӣ ва идораи амволи давлатӣ ва Кумитаи ҷавонон, варзиш ва сайёҳии назди Ҳукумати ҷумҳурӣ рӯзҳои 13-14 апрели соли 2017 дар шаҳри Душанбе доир мегардад.
Ҳадаф аз Форум баррасӣ намудани масъалаҳои вусъатбахшии раванди иштироки фаъолонаи ҷавонон дар ҳаёти ҷомеа, рушди фаъолияти соҳибкорӣ дар байни ҷавонон, баланд бардоштани нерӯ ва малакаҳои соҳибкорони ҷавон, муаррифии як қатор лоиҳаҳои инноватсионаии ҷавонон мебошад.
Бешубҳа, ин ва дигар тадбирҳои Ҳукумати мамлакат ба ҷавонони ватандӯст, соҳибкасбу ихтисосманди ҷумҳурӣ руҳу илҳоми тоза хоҳад бахшид ва бо итминон метавон изҳор намуд, ки онҳо дар навбати худ бо ҳисси масъулият, маърифати баланд ва бо ташаббусҳои созанда ояндаи дурахшони худро бо нерӯи бузургу эҷодкориашон месозанд.
Қаҳҳорзода Файзиддин Саттор,
раиси Кумитаи давлатии сармоягузорӣ
ва идораи амволи давлатии Ҷумҳурии Тоҷикистон
Эмомалӣ Раҳмон
Тавре маълум аст, Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ майдони муколамаи озоди байни давлат ва бахши хусусӣ буда, он бо мақсади таъмини рушди иқтисодӣ тавассути муколамаи давлат ва бахши хусусӣ бо ҷалби соҳибкорон ба раванди ислоҳот, таҳти сарварии Пешвои миллат муҳтарам Эмомалӣ Раҳмон, ки раиси ин Шӯро мебошанд, таъсис дода шудааст.
Дар ҷаласаҳои Шӯро бо иштироки бевоситаи соҳибкорон, бахусус соҳибкорони ҷавон масъалаҳои муҳими самти соҳибкорию сармоягузорӣ баррасӣ гардида, қарорҳои дахлдор қабул мегардад. Қобили қайд аст, ки то имрӯз 17 ҷаласаи Шӯро баргузор гардида, тавассути Шӯрои машваратӣ ислоҳоти муҳим дар самти беҳсозии фазои сармоягузориву соҳибкорӣ, аз ҷумла дар бахшҳои энергетика, саноат, кишоварзӣ ва рушди тиҷорати аграрӣ, сохтмон, сайёҳӣ, суғурта, рушди бозори такрории қоғазҳои қиматнок, биржаҳои фондӣ ва дигар соҳаҳои иқтисодиёт гузаронида шуданд, ки имрӯзҳо натиҷаи назаррас дода истодаанд.
Ҳамчунин, бо ташаббуси Пешвои миллат, муҳтарам Эмомалӣ Раҳмон бо мақсади дастгирии молиявии соҳибкорон, Муасиссаи давлатии “Фонди дастгирии соҳибкории назди Ҳукумати Ҷумҳурии Тоҷикистон” таъсис ёфта, ба соҳибкорони ватанӣ аз ҳисоби буҷети давлатӣ маблағҳои муайян ҷудо карда мешавад. Фонди мазкур аз ибтидои фаъолияти хеш дар асоси қарорҳои Шӯрои нозирон ба 139 лоиҳаҳои тиҷоратии субъектҳои соҳибкории соҳаҳои гуногуни ҷумҳурӣ дар ҳаҷми 138,2 млн. сомонӣ маблағҳои имтиёзноки қарзӣ ҷудо намудааст.
Муассиса бо ҷудо намудани маблағҳои имтиёзноки қарзӣ ба таҷдид ва таъсиси коргоҳу корхонаҳои истеҳсоли маҳсулот дар минтақаҳои ҷумҳурӣ шароит муҳайё намуда, дар ин ҷода ба рушди истеҳсолоти воридотивазкунанда ва содироти молу маҳсулот мусоидат менамояд. Муассиса дар фаъолияти кории хеш 87 лоиҳаи тиҷоратии субъектҳои соҳибкориро ҷиҳати таъсиси коргоҳу корхона ба маблағи 66,3 млн. сомонӣ ва 52 лоиҳаи тиҷоратиро ҷиҳати таҷдиди коргоҳу корхонаҳо ба маблағи 71,9 млн. сомонӣ дар шаҳру ноҳияҳои кишвар дастгирӣ намудааст, ки дар маҷмуъ 47 шаҳру ноҳияро ташкил медиҳад.
Бо иштироки намояндагони доираҳои бонуфузи соҳибкорию сармоягузорӣ мунтазам форуму ҳамоишҳои дуҷониба бо мамлакатҳои ҳамшарики иқтисодӣ ва ҳар сол 14 октябр дар доираи таҷлили “Рӯзи соҳибкорон”, форумҳои байналмилалии соҳибкорию сармоягузорӣ баргузор мегардад, ки соҳибкорони ҷавон дар онҳо иштирок намуда, фаъолияту дастовард ва лоиҳаҳои худро муаррифӣ мекунанд. Дар ин замина бо пайдо кардани шарикон ва ҷалби сармоя ба ҷумҳурӣ саҳми арзандаи худро дар устувор кардани пояҳои иқтисодиёти мамлакат мегузоранд.
Имрӯзҳо нақши ҷавонон ҳамчун соҳибкор дар бунёди корхонаю коргоҳҳои хурду миёна, корхонаҳои истеҳсолӣ, муассисаҳои варзишиву фароғатӣ, марказҳои соҳибкорӣ, марказҳои ҷавонон, бизнес–инкубаторҳо, паркҳои технологӣ назаррас мебошад.
Ҳоло аз 189 ҳазор соҳибкори инфиродӣ, ки дар ҷумҳурӣ фаъолият доранд, 51 ҳазор нафари онҳоро ҷавонон ташкил медиҳанд. Барои амалӣ гардидани ташаббусҳои ҷавонон ба онҳо грантҳои алоҳида ҷудо шуда, тавассути он ба рушди соҳибкории хурду миёна миёни ҷавонон мусоидат карда мешавад.
Таъсис додани ҷойҳои корӣ аз масъалаҳои муҳими иқтисодию иҷтимоӣ ба ҳисоб рафта, он дар барномаву стратегияҳои Ҳукумати ҷумҳурӣ дарҷ гардидааст ва тадриҷан татбиқ мегардад. Аз як ҷониб ин тадбирҳо бо таъсис додани ҷойҳои корӣ, аз ҷумла тавассути баланд бардоштани донишу малака ва ихтисосмандии аҳолӣ, бахусус ҷавонон ва аз тарафи дигар саҳмгузории худи ҷавонон дар ин раванд тадбирҳо амалӣ мегардад.
Дар замони Истиқлолият барои ҷалби самараноки ҷавонон дар раванди рушди иқтисодию иҷтимоии кишвар ва баланд бардоштани донишу малакаи соҳибкорони ҷумҳурӣ, аз ҷумла соҳибкорони ҷавон эътибори ҷиддӣ дода мешавад.
Вобаста ба ин, дар баробари дигар чорабиниҳо, дар доираи тадбирҳои Ҳукумати кишвар бо мақсади вусъат додани соҳибкорӣ байни ҷавонон, беҳтар намудани вазъи бахши хусусӣ, дастгирии ҷавонон ва рушди ҳамкориҳо оид ба беҳтар намудани фазои сармоягузорӣ Лоиҳаи рушди иқтидор ва тавсеаи имкониятҳои соҳибкорӣ миёни ҷавонон амалӣ карда шуд.
Лоиҳа дар доираи фаъолияти Кумитаи давлатии сармоягузорӣ ва идораи амволи давлатӣ, Котиботи Шӯрои машваратии назди Президенти кишвар оид ба беҳтар намудани фазои сармоягузорӣ амалӣ карда шуд.
Лоиҳа аз ду компонент: 1) Мусоидат намудан барои татбиқи дастгирии ҷавонон ва рушди бахши хусусӣ. 2) Рушди соҳибкории ҷавонон: “Ояндаатро бисоз! Соҳибкор шав!”, иборат мебошад.
Марҳилаҳои нахустини лоиҳа дар муҳлати аз 20 июни соли 2016 то 01 августи соли 2016 гузаронида шуда, он 3838 ҷавони синни 17-25-ро аз 60 минтақаи гуногуни ҷумҳурӣ, махсусан аз деҳот фаро гирифт. Дар доираи барнома, дар ноҳияҳо ва деҳоти мухталифи Тоҷикистон 3 лагери иқтисодӣ ва 150 курси омӯзиши вобаста ба барномаи коммуникатсионӣ оид ба масоили асосҳои соҳибкорӣ, аз худ кардани асосҳои молия ва иқтисодӣ, пайдо намудан ва рушд додани малакаи роҳбарӣ, соҳибкорӣ, роҳҳо ва усулҳои таҳия намудани бизнес –идеяҳо, ташкили тиҷорат ва дигар масъалаҳои вобаста ба соҳибкорӣ гузаронда шудааст. Дар ин раванд Кумитаи ҷавонон, варзиш ва сайёҳии назди Ҳукумати ҷумҳурӣ, мақомоти иҷроияи маҳаллии ҳокимияти давлатӣ дар шаҳру ноҳияҳои кишвар ҳамаҷониба мусоидат намуданд.
Бояд гуфт, ки дар марҳилаи навбатии лоиҳа раванди муаррификунии бизнес-нақшаҳо дар байни иштирокчиён ва дар назди мақомотҳои дахлдор ба нақша гирифта шуда, он ба фароҳам овардани шароити рушди робита ва ҳамкорӣ байни соҳибкорон, мақомотҳои давлатӣ, ташкилотҳои ғайритиҷоратӣ, ҷавонон ва муассисаҳои таълимӣ, ҷалби сохторҳои давлатӣ оид ба маориф ва соҳибкорӣ барои мусоидат намудан ба фаъолияти соҳибкории ҷавонон дар назар дошта мешавад.
Яке аз чорабиниҳои муҳим Форуми байналмилалии соҳибкорони ҷавон, таҳти унвони “Ҷавонон - муҳаррики рушди соҳибкории инноватсионӣ” ба ҳисоб рафта, он аз тарафи Кумитаи давлатии сармоягузорӣ ва идораи амволи давлатӣ ва Кумитаи ҷавонон, варзиш ва сайёҳии назди Ҳукумати ҷумҳурӣ рӯзҳои 13-14 апрели соли 2017 дар шаҳри Душанбе доир мегардад.
Ҳадаф аз Форум баррасӣ намудани масъалаҳои вусъатбахшии раванди иштироки фаъолонаи ҷавонон дар ҳаёти ҷомеа, рушди фаъолияти соҳибкорӣ дар байни ҷавонон, баланд бардоштани нерӯ ва малакаҳои соҳибкорони ҷавон, муаррифии як қатор лоиҳаҳои инноватсионаии ҷавонон мебошад.
Бешубҳа, ин ва дигар тадбирҳои Ҳукумати мамлакат ба ҷавонони ватандӯст, соҳибкасбу ихтисосманди ҷумҳурӣ руҳу илҳоми тоза хоҳад бахшид ва бо итминон метавон изҳор намуд, ки онҳо дар навбати худ бо ҳисси масъулият, маърифати баланд ва бо ташаббусҳои созанда ояндаи дурахшони худро бо нерӯи бузургу эҷодкориашон месозанд.
Қаҳҳорзода Файзиддин Саттор,
раиси Кумитаи давлатии сармоягузорӣ
ва идораи амволи давлатии Ҷумҳурии Тоҷикистон
Хабарҳои дигар
Рӯзнома
Эзоҳи худро нависед