22-юми сентябр дар маҷлисгоҳи Мақомоти иҷрои ҳокимияти давлатии ноҳияи Айнӣ бо мақсади иштироки фаъолонаи волонтёрон дар раванди интихоботи навбатии Президенти Ҷумҳурии Тоҷикистон бо иштироки беш аз 100 нафар волонтёр семинари омӯзишӣ баргузор гардид.

Дар семинари мазкур Аҳмадзода Дилноза, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини раиси ноҳияи Айнӣ Зокирзода Гулсара Абдулвоҳид, масъули самти фаъолияти волонтёрӣ Муродзода Муҳсин ва муовини сардори Раёсати кор бо ҷавонон ва варзиши вилояти Суғд Фахриддинзода Фирдавс иштирок намуда, вобаста ба самтҳои асосии фаъолияти волонтёрӣ, рушди соҳаи волонтёрӣ дар Ҷумҳурии Тоҷикистон ва саҳми арзишманди ин қишри ҷомеа дар раванди маъракаҳои муҳимми сиёсӣ суханронӣ намуданд.

Аҳмадзода Дилноза, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни суханронии хеш иброз намуд, ки интихобот нишонаи давлати демократӣ ва ҳуқуқбунёд буда, иштироки фаъолонаи ҷомеаи шаҳрвандии Тоҷикистон дар раванди баргузории он нишонаи олии соҳибихтиёрӣ ва дорои маърифати ҳуқуқии шаҳрвандони кишвар мебошад. Дар раванди интихобот иштирок намудани волонтёрон ва хизматрасониҳои ройгонро ба роҳ мондану иҷрои амалҳои хайрхоҳона дар ин маъракаи муҳимми сиёсӣ ба ташаккули ҳисси ватандӯстӣ ва ифтихори миллии насли ҷавони кишвар заминагузорӣ намуда, ташаккули минбаъдаи рушди фаъолияти волонтёриро дар кишвар заминагузорӣ менамояд.

Гуфта шуд, Кумитаи кор бо ҷавонон ва варзиш дар якҷоягӣ бо Комиссияи марказии интихобот ва райъпурсии Тоҷикистон тасмим гирифтааст, ки бо мақсади расонидани хизматрасониҳои ройгон дар раванди интихоботи Президенти Ҷумҳурии Тоҷикистон дар ҳамаи участкаҳои интихоботӣ ҳайати волонтёрони хизматрасонро омода намуда, ҳайати волонтёрон дар раванди ин чорабинии муҳимми сиёсӣ дар 68 шаҳру ноҳияҳои кишвар хизматрасониҳои ройгонро фароҳам меоваранд.