ҶАВОНОН
Шанбе 27 Апрел 2024 11:49
Дени Ҷонсон дар оилаи нодоре таваллуд шуда, дар синни 17-солагӣ фарзанди нахустини худро ба дунё овард. Дар 21-солагӣ бе хонаву дар монд ва дар 23-солагӣ соҳиби нахустин миллиони худ гардид. Соле қабл ин тоҷирзани муваффақ, ки аллакай соҳиби 5 фарзанду якчанд набераҳост, дар яке аз мусоҳибаҳои хеш бо хабарнигорон доир ба принсипҳои кориаш ва тарбияи фарзандон маълумотҳои ҷолибе дода буд.
“Ман ба кишварҳои мухталиф сафарҳои корӣ анҷом медиҳам ва ҳамеша кӯшиш мекунам ба занҳо таъкид намоям, ки дар тарбияи фарзанд ба хатоҳо роҳ надиҳанд. Фарзандони мо насли наве мебошанд, ки ба роҳнамоии мо – волидон сахт ниёз доранд. Чун онҳо сахт одат кардаанд, ки дар кӯдакӣ соҳиби ҳама чиз бошанд ва вақте бузург мешаванд, мехоҳанд, ки ҳамеша калонсолон ба онҳо кӯмаку ёрмандӣ намоянд”, - гуфта буд Ҷонсон.
ШАХС АЗ ХУРДСОЛӢ БОЯД МАҚСАДИ МУАЙЯН ДОШТА БОШАД
Ашхоси сарватманд хуб дарк мекунанд, ки фарзандони онҳо бояд чӣ гуна мақсадҳо дошта бошанд. Бале, онҳо хатмкунандаҳои донишгоҳҳои бонуфуз, менеҷерҳову тоҷирони муваффақ, табибони оянда ва ё президентҳои ояндаро тарбия мекунанд. Илова бар ин, ҳар як шахси миёнаҳол низ кӯдакони худро бо чунин андешаҳо ба воя мерасонад: “Шояд ӯ шахси муваффақ шавад”.
Аз нақли Ҷонсон: “ Писари як дӯсти ман, ки соҳиби нашрияи хусусӣ мебошад, хондан намехост ва умуман дар зиндагӣ чӣ кор карданашро намедонист. Ин буд, ки падараш ба хулосае омада, ӯро барои як ҳафта ба хонаи кӯдакон фиристод, то он ҷо кор кунад ва барояш ягон пайсае надод. Баъди як ҳафта наврас аз он ҷо баргашта изҳор дошт, ки хоҳиши зиёди таҳсил кардану ба буҷаи оила фоида оварданро дорад”.
БЕ ТЕЛЕВИЗОР ВА ТЕЛЕФОНИ МОБИЛӢ
Дӯст ва ҳамдами беҳтарини кӯдаки муқаррарӣ кист? Пеш аз ҳама телевизор, компютер ва телефони мобилӣ. Фарзандони Дени Ҷонсон танҳо дар синни 16-солагӣ соҳиби телефонҳои нахустини худ шуданду нахустин компютери онҳо компютери куҳнаи падарашон буд ва дар хонаашон умуман телевизор надоштанд.
“Кӯдакони ман бе телефони мобилӣ буданро афзалтар медонанд, чун бо он пул кор карда наметавонанд. Телефони мобилӣ барои ба нақша гирифтани вақти худ ва ташкил кардани корҳо монеа эҷод мекунад, телевизор бошад, тарҳи нодурусти ҳаётро ба намоиш мегузорад”.
ФИЛМИ ТАСВИРӢ БА ШУМО ЧИРО МЕОМӮЗАД?
“Марди танбалу жӯлидамӯе хушҳол аз он аст, ки дигаронро ба осонӣ фиреб медиҳад. Оё шумо мехоҳед, ки писарони шумо чунин “мард” ба воя расанд? Ва ё мехоҳед, ки духтаронатон ба чунин мардҳо ба шавҳар бароянд? Агар 30 рӯз телевизор тамошо накунед, метавон аз чунин вобастагӣ халос шуд”, - меандешад Ҷонсон.
БА КӮДАКОН МЕҲНАТДӮСТИРО ОМӮЗЕД
“Рӯзҳои истироҳат наздик мешаванду кӯдакон чунин суханҳоро ҳамвора мешунаванд: Худоро шукр, имрӯз ҷумъа аст: ду рӯз аз кор истироҳат карда метавонам, сардорам аблаҳ асту тобеъонам маро гӯш намекунанд, кор бошад, ба дилам задааст. Чунин муҳит аз айёми хурдсолӣ дар зеҳни кӯдакон ҳаминро талқин мекунад, ки кор ин бадтарин, вазнинтарин ва нохуштарин чиз аст. Кӯдаконе, ки мудом чунин суханҳоро мешунаванд, кор кардан намехоҳанд, чӣ ҷои дар бораи тиҷорат ва ё даромаднокие андешидан”, - чунин аст андешаҳои Дени Ҷонсон.
Дар оилаи ӯ кӯдакон аз 2- солагӣ аллакай ҳар гуна корҳои майда-чуйдаро анҷом медиҳанд, аз 11-солагӣ бошад, аллакай ба буҷаи оила даромад ворид мекунанд.
“Ҳамин тариқ, онҳо таъминоти оиларо бо хӯрока ва манзил ба уҳда мегиранд. Дар ҳаёт ягон чиз бепул нест”, – мегӯяд Ҷонсон. Ӯ аз хизматрасонии ошпазҳо, хизматгорҳо ва ё дояҳо истифода намебарад, чунки аъзои оилаи ӯ аз уҳдаи ҳама корҳои хона мебароянд.
Илова бар ин, кӯдак бояд аз уҳдаи иҷрои корҳое, ки писандаш нестанд ва ё маҷбуран ба ӯ бор мекунанд, низ ба хубӣ баромада тавонад, чунки ин амал инсонро ташаккул дода, иродаашро қавӣ мегардонад. Агар шахс танҳо корҳоеро анҷом диҳад, ки ба хости дилаш ҳастанд, ин барояш ягон манфиати иловагӣ оварда наметавонад.
ШУМО БАРОИ ФАРЗАНДИ ХУД БАНКОМАТ НЕСТЕД
“Ман ба фарзандам дар 1 сол барои харидани пойафзол 50 доллар медиҳаму барояш ду адад шими ҷинс мехарам. Бо чунин маблағ ягон сарулибоси бодабдаба харида наметавонед. Аммо агар хоҳед, раведу худатон пул кор кунед ва ё арзоншавии нархҳоро мунтазир шавед”, – мегӯяд Ҷонсон ва илова мекунад, ки кӯдак бояд бо ашёҳои муҳимтарин таъмин бошад, аммо хостаҳои барзиёд ва орзуҳояшро бояд худаш амалӣ созад.
“Чизи баде, ки волидон анҷом медиҳанд, ин аст, ки онҳо пули зиёд кор карда, ба кӯдаконашон медиҳанд. Ба қавле онҳо намехоҳанд, ки фарзандонашон мисли худи онҳо аз чизе камбудӣ дошта бошанд. Аммо вақте ин кӯдакон ба воя мерасанд, онҳо дар муҳите меафтанд, ки дигар амалӣ гардидани ҳама хостаҳояшон ғайриимкон мегардад”, - таъкид мекунад Дени Ҷонсон.
ХАРОҶОТ Ё ЗАХИРА?
Ду роҳи хароҷоти маблағ вуҷуд дорад: харидани амволи нолозим ва ба кӯдакон омӯзондани он ки пулро захира кардан имконпазир аст.
“Чӣ гуна ба кӯдакон омӯзем, ки пулро дар куҷо бояд сарф намоянд? Дар хонаи мо чунин қоида амал мекунад: кор карда 10 доллар пайдо кун, ман ба ту боз 10 доллар медиҳам. Бо ин пул ту метавонӣ ҳама ашёи дилхоҳатро харидорӣ кунӣ”, - мегӯяд Ҷонсон. Ва он чизеро, ки дигарон харидорӣ мекунанд, шумо харидорӣ накунед, зеро онҳо чизҳои нолозимеанд, ки танҳо ҷоро банд мекунанду халос.
БА КӮДАКОН САХОВАТУ ОЛИҲИММАТӢ ОМӮЗЕД
“Аксари одамони муваффақ бо саховатмандиву олиҳимматиашон фарқ мекунанд. Онҳо мустақилу саховатпешаанд. Ҳамагон медонем, ки хайру эҳсонкорӣ амали неку савоб аст. Ҳама аъзои хонаводаи мо 10%-и даромади худро ба бечорагону бенавоён мебахшанд, 20%-ро барои истироҳату фароғат мегузоранд ва боқимондаро барои оянда ва амалисозии мақсадҳо пасандоз мекунанд”.
“Ман ба кишварҳои мухталиф сафарҳои корӣ анҷом медиҳам ва ҳамеша кӯшиш мекунам ба занҳо таъкид намоям, ки дар тарбияи фарзанд ба хатоҳо роҳ надиҳанд. Фарзандони мо насли наве мебошанд, ки ба роҳнамоии мо – волидон сахт ниёз доранд. Чун онҳо сахт одат кардаанд, ки дар кӯдакӣ соҳиби ҳама чиз бошанд ва вақте бузург мешаванд, мехоҳанд, ки ҳамеша калонсолон ба онҳо кӯмаку ёрмандӣ намоянд”, - гуфта буд Ҷонсон.
ШАХС АЗ ХУРДСОЛӢ БОЯД МАҚСАДИ МУАЙЯН ДОШТА БОШАД
Ашхоси сарватманд хуб дарк мекунанд, ки фарзандони онҳо бояд чӣ гуна мақсадҳо дошта бошанд. Бале, онҳо хатмкунандаҳои донишгоҳҳои бонуфуз, менеҷерҳову тоҷирони муваффақ, табибони оянда ва ё президентҳои ояндаро тарбия мекунанд. Илова бар ин, ҳар як шахси миёнаҳол низ кӯдакони худро бо чунин андешаҳо ба воя мерасонад: “Шояд ӯ шахси муваффақ шавад”.
Аз нақли Ҷонсон: “ Писари як дӯсти ман, ки соҳиби нашрияи хусусӣ мебошад, хондан намехост ва умуман дар зиндагӣ чӣ кор карданашро намедонист. Ин буд, ки падараш ба хулосае омада, ӯро барои як ҳафта ба хонаи кӯдакон фиристод, то он ҷо кор кунад ва барояш ягон пайсае надод. Баъди як ҳафта наврас аз он ҷо баргашта изҳор дошт, ки хоҳиши зиёди таҳсил кардану ба буҷаи оила фоида оварданро дорад”.
БЕ ТЕЛЕВИЗОР ВА ТЕЛЕФОНИ МОБИЛӢ
Дӯст ва ҳамдами беҳтарини кӯдаки муқаррарӣ кист? Пеш аз ҳама телевизор, компютер ва телефони мобилӣ. Фарзандони Дени Ҷонсон танҳо дар синни 16-солагӣ соҳиби телефонҳои нахустини худ шуданду нахустин компютери онҳо компютери куҳнаи падарашон буд ва дар хонаашон умуман телевизор надоштанд.
“Кӯдакони ман бе телефони мобилӣ буданро афзалтар медонанд, чун бо он пул кор карда наметавонанд. Телефони мобилӣ барои ба нақша гирифтани вақти худ ва ташкил кардани корҳо монеа эҷод мекунад, телевизор бошад, тарҳи нодурусти ҳаётро ба намоиш мегузорад”.
ФИЛМИ ТАСВИРӢ БА ШУМО ЧИРО МЕОМӮЗАД?
“Марди танбалу жӯлидамӯе хушҳол аз он аст, ки дигаронро ба осонӣ фиреб медиҳад. Оё шумо мехоҳед, ки писарони шумо чунин “мард” ба воя расанд? Ва ё мехоҳед, ки духтаронатон ба чунин мардҳо ба шавҳар бароянд? Агар 30 рӯз телевизор тамошо накунед, метавон аз чунин вобастагӣ халос шуд”, - меандешад Ҷонсон.
БА КӮДАКОН МЕҲНАТДӮСТИРО ОМӮЗЕД
“Рӯзҳои истироҳат наздик мешаванду кӯдакон чунин суханҳоро ҳамвора мешунаванд: Худоро шукр, имрӯз ҷумъа аст: ду рӯз аз кор истироҳат карда метавонам, сардорам аблаҳ асту тобеъонам маро гӯш намекунанд, кор бошад, ба дилам задааст. Чунин муҳит аз айёми хурдсолӣ дар зеҳни кӯдакон ҳаминро талқин мекунад, ки кор ин бадтарин, вазнинтарин ва нохуштарин чиз аст. Кӯдаконе, ки мудом чунин суханҳоро мешунаванд, кор кардан намехоҳанд, чӣ ҷои дар бораи тиҷорат ва ё даромаднокие андешидан”, - чунин аст андешаҳои Дени Ҷонсон.
Дар оилаи ӯ кӯдакон аз 2- солагӣ аллакай ҳар гуна корҳои майда-чуйдаро анҷом медиҳанд, аз 11-солагӣ бошад, аллакай ба буҷаи оила даромад ворид мекунанд.
“Ҳамин тариқ, онҳо таъминоти оиларо бо хӯрока ва манзил ба уҳда мегиранд. Дар ҳаёт ягон чиз бепул нест”, – мегӯяд Ҷонсон. Ӯ аз хизматрасонии ошпазҳо, хизматгорҳо ва ё дояҳо истифода намебарад, чунки аъзои оилаи ӯ аз уҳдаи ҳама корҳои хона мебароянд.
Илова бар ин, кӯдак бояд аз уҳдаи иҷрои корҳое, ки писандаш нестанд ва ё маҷбуран ба ӯ бор мекунанд, низ ба хубӣ баромада тавонад, чунки ин амал инсонро ташаккул дода, иродаашро қавӣ мегардонад. Агар шахс танҳо корҳоеро анҷом диҳад, ки ба хости дилаш ҳастанд, ин барояш ягон манфиати иловагӣ оварда наметавонад.
ШУМО БАРОИ ФАРЗАНДИ ХУД БАНКОМАТ НЕСТЕД
“Ман ба фарзандам дар 1 сол барои харидани пойафзол 50 доллар медиҳаму барояш ду адад шими ҷинс мехарам. Бо чунин маблағ ягон сарулибоси бодабдаба харида наметавонед. Аммо агар хоҳед, раведу худатон пул кор кунед ва ё арзоншавии нархҳоро мунтазир шавед”, – мегӯяд Ҷонсон ва илова мекунад, ки кӯдак бояд бо ашёҳои муҳимтарин таъмин бошад, аммо хостаҳои барзиёд ва орзуҳояшро бояд худаш амалӣ созад.
“Чизи баде, ки волидон анҷом медиҳанд, ин аст, ки онҳо пули зиёд кор карда, ба кӯдаконашон медиҳанд. Ба қавле онҳо намехоҳанд, ки фарзандонашон мисли худи онҳо аз чизе камбудӣ дошта бошанд. Аммо вақте ин кӯдакон ба воя мерасанд, онҳо дар муҳите меафтанд, ки дигар амалӣ гардидани ҳама хостаҳояшон ғайриимкон мегардад”, - таъкид мекунад Дени Ҷонсон.
ХАРОҶОТ Ё ЗАХИРА?
Ду роҳи хароҷоти маблағ вуҷуд дорад: харидани амволи нолозим ва ба кӯдакон омӯзондани он ки пулро захира кардан имконпазир аст.
“Чӣ гуна ба кӯдакон омӯзем, ки пулро дар куҷо бояд сарф намоянд? Дар хонаи мо чунин қоида амал мекунад: кор карда 10 доллар пайдо кун, ман ба ту боз 10 доллар медиҳам. Бо ин пул ту метавонӣ ҳама ашёи дилхоҳатро харидорӣ кунӣ”, - мегӯяд Ҷонсон. Ва он чизеро, ки дигарон харидорӣ мекунанд, шумо харидорӣ накунед, зеро онҳо чизҳои нолозимеанд, ки танҳо ҷоро банд мекунанду халос.
БА КӮДАКОН САХОВАТУ ОЛИҲИММАТӢ ОМӮЗЕД
“Аксари одамони муваффақ бо саховатмандиву олиҳимматиашон фарқ мекунанд. Онҳо мустақилу саховатпешаанд. Ҳамагон медонем, ки хайру эҳсонкорӣ амали неку савоб аст. Ҳама аъзои хонаводаи мо 10%-и даромади худро ба бечорагону бенавоён мебахшанд, 20%-ро барои истироҳату фароғат мегузоранд ва боқимондаро барои оянда ва амалисозии мақсадҳо пасандоз мекунанд”.
Хабарҳои дигар
Рӯзнома
Эзоҳи худро нависед