Бо мақсади иҷрои дастуру супоришҳои Асосогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гурӯҳи корӣ аз ҳисоби масъулини вазорату кумита ва идораҳои дахлдор ба вилояти Суғд сафарбар гардиданд.

Дар доираи ин сафар 10 майи соли равон мулоқоти раиси Кумтаи ҷавонон, варзиш ва сайёҳӣ Аҳтам Абдуллозода дар ноҳияи Бобоҷон Ғафуов бо сокинони ҷамоатҳои деҳоти Ғафуров, Исфисор ва Зарзамин доир шуд.



Аҳтам Абдуллозода зимни суханронии хеш оид ба баъзе мушкилотҳои умдаи рӯз ва роҳҳои бартараф намудани онҳо ибрози андеша намуд. Аз ҷумла қайд кард: “Либоси миллӣ таҷассумгари фарҳанги бою ғании мо ба ҳисоб меравад ва мо ҷавонон бояд барои ҳифз ва идома додани фарҳанги ниёгони худ тамоми қувваю нерӯро самаранок сафарбар намоем”.
Аҳтам Абдуллозода дар суханронии хеш аз таҳсили ғайриқонунии динии баъзе ҷавонон изҳори нигаронӣ карда иброз дошт, ки: “Ба таҳсили ғайриқонунии динӣ рӯй овардани ҷавонон аз беаҳамиятӣ ва надонистани оқибатҳои даҳшатбори он аз ҷониби худи ҷавонон ва волидони онҳост. Волидон бояд ҳаёти фарзандони хешро зери хатар нагузошта, бо имкониятҳои фароҳамгардида, ки имрӯз тамоми шароит барои аз худ намудани илми динӣ дар Тоҷикистон имконпазир гардидааст, таълим диҳанд”.

Дар нимаи дуюми рӯз вохӯрии раиси Кумита бо волонтёрони Маркази ҷавонони ноҳия доир гардид. Зимни вохӯрӣ волонтиёрон ба фаъолияти хубу босифат даъват карда шуданд.
Пас аз вохӯрӣ бо волонтёрон масъулин аз ҷараёни сохтмони майдончаи варзишӣ ва толори варзишие, ки аз ҷониби мақомоти иҷроияи маҳаллии ҳокимияти давлатии ноҳияи Бобоҷон Ғафуров сохта шуда истодааст, дидан намудаанд. Раиси Кумита ин иқдомро дар “Соли ҷавонон” ҳамчун туҳфаи хотирмон барои мардуми ноҳия маънидод намуданд.