ҶАВОНОН
Душанбе 24 Июн 2024 03:52
10357
Имрӯз бо иштироки Гулаҳмадзода Зулфиқор, раиси Кумитаи кор бо ҷавон ва варзиши назди Ҳукумати Ҷумҳурии Тоҷикистон дар шаҳри Бохтар - маркази маъмурии вилояти Хатлон Фестивали бозиҳои миллӣ доир карда шуд.

Дар ин хусус гурӯҳи фейсбукии рӯзномаи “Хатлон” иттилоъ дод.

Бояд гуфт, ки варзишгарони ноҳияҳои Вахш, Кӯшониён ва шаҳри Бохтар дар фестивал фаъолона ширкат варзида, ҳунару маҳорати варзишии худро пешкаши меҳмонон гардониданд.

Гулаҳмадзода Зулфиқор тамоми варзишгаронро ба муносибати Рӯзи ҷавонон муборакбод гуфта, аз дастовардҳои варзишгарони вилоят изҳори қаноатмандӣ намуд.

Таъкид гардид, ки варзишгарон зери таваҷҷуҳи Ҳукумати кишвар қарор дошта, барои тамрину гузаронидани чорбиниҳои варзишӣ тамоми шароитҳои лозимаро фароҳам оварда истодаанд, то шарафи Тоҷикистонро дар арсаи байналмилалӣ боз ҳам боло бардоранд.

Гулафшон КАРИМОВА, “ҶТ”

Эзоҳи худро нависед



Рамзҳо дар расм