Имрӯз аз ҷониби масъулини Раёсати кор бо ҷавонон ва варзиши вилояти Хатлон дар ноҳияи Дӯстӣ волидайни ҷавононе, ки ихтиёран ба хизмати Ватан - Модар мераванд, қадрдонӣ шуданд.

Дар ин бора Раёсати кор бо ҷавонони вилояти Хатлон хабар медиҳад.

Бино ба иттилои манбаъ, зимни суҳбат масъулини вилоят хизмат дар сафи Қувваҳои Мусаллаҳи Ҷумҳурии Тоҷикистонро барои ҳар як ҷавонмарди бедордили Ватан қарз арзёбӣ намуда, зикр намудаанд, ки ҷавонони вилояти Хатлон бо дарки ин маънӣ, ки ворисони содиқи ин меҳану Ватани азизанд, хизмат дар Артиши миллиро мактаби ҷасорат ва мардонагӣ пазируфта, ихтиёран ба сафи Қувваҳои Мусаллаҳи кишвар мераванд.

Гуфта мешавад, ки имрӯзҳо сафи ихтиёриён ба хизмат афзуда, шароити қисмҳои низомӣ ба талаботи замони муосир мутобиқ гардонида шудааст.