17- майи соли ҷорӣ бахшида ба Рӯзи ҷавонони Тоҷикистон дар ноҳияи Кӯшониён, барои дарёфти ҷоми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон миёни сарбозону афсарон мусобиқаҳои гуногуни варзишӣ баргузор гардид.

Дар ин бора Раёсати кор бо ҷавонон ва варзиши вилояти Хатлон иттилоъ медиҳад.

Бино ба иттилои манбаъ, дар доираи ин нақша – чорабиниҳо миёни сарбозону афсарони қисми низомии 07017-и Вазорати мудофиаи Ҷумҳурии Тоҷикистон дар ноҳияи Кӯшониён барои дарёфти ҷом бозиҳои гуногуни варзишӣ анҷом доданд.

Аз сарбозон даъват ба амал оварда шудааст, ки масъулияти бузурге, ки ба онҳо вогузор шудааст, бо сари баланд иҷро намуда, барои ҳифзи марзу буми кишвари соҳибистиқлол ҳамеша ҳушёр ва далеру чолок бошанд.

Фарзонаи УМАРАЛӢ, “ҶТ”