Дар толори варзишии “Вастан” – и ноҳияи Ванҷ мулоқоти мудири Бахши кор бо ҷавонон ва варзиши ноҳия Масрур Ғайратов бо варзишгарону ҷавонон баргузор гашт.

М. Ғайратов ба ҳозирин оид ба муҳимияти Иҷлосияи тақдирсози 16 – уми Шӯрои олии кишвар, Рӯзи Президенти Тоҷикистон ва аҳамияти НБО – и Роғун маълумот дода, қайд кард, ки дар ҳақиқат Пешвои муаззами миллат дар рӯзҳои ҳассосу сарнавиштсоз тақдиру ҳаёти мардуми тоҷикро бар дӯш гирифта, шуҷоату мардонагии беназирро нишон додаанд. Ҳамин аст, ки Роҳбарияти олии мамлакат дар нигаҳдории сулҳу суботи сартосарии ҷумҳурӣ нақши калидӣ дошта, ҳамаи кӯшишҳоро баҳри рушди Тоҷикистони азиз равона месозанд.

Дар вохӯрӣ инчунин мавзуъҳои пайваста дастгирӣ ёфтани варзишгарону ҷавонон аз ҷониби Пешвои миллат, рушди соҳаҳои афзалиятноки кишвар ва дигар масоил муҳокима шуданд.