22-юми феврал дар Муассисаи давлатии варзишгоҳи “Спартак”-и шаҳри Хуҷанд ба истиқболи Рўзи таъсисёбии Қувваҳои Мусаллаҳи Ҷумҳурии Тоҷикистон даври ниҳоии мусобиқаи ҳарбӣ – варзишии “Ҳомиёни ҷасури Ватан” байни ҷавонони муассисаҳои таҳсилоти миёнаи умумӣ, литсей ва гимназияҳои шаҳр баргузор гардид.

Мусобиқа аз рӯи 8 шарт – ҳаракатҳои сафӣ (иҷро кардани амалиётҳои сафгарди ҳамаи даста), давидан ба масофаи 100 метр, ҳаво додани норинҷак ба масофа, кашидани вазн, варзнбардорӣ (16 кг), ба қисмҳо ҷудо ва ҷамъ кардани қисмҳои АК, тирҷойкунӣ ба тирдон ва тирпарронӣ аз туфанги пневматикӣ ба масофаи 10 метр гузаронида шуда, дар он 7 дастаи беҳтарин дар ҳайати 120 нафар ҷавон ширкат варзиданд.

Дар натиҷа ҷойи якум насиби дастаи МТМУ №18, ҷойи дуюм насиби Гимназияи №4 ва ҷои сеюм насиби дастаи МТМУ №22 гардида, ғолибон бо диплом, ифтихорнома ва туҳфаҳои хотиравӣ қадрдонӣ шуданд.