Дар Донишкадаи тарбияи ҷисмонии Тоҷикистон ба номи С. Раҳимов миёни донишҷӯёни муассисаҳои таҳсилоти олии касбии шаҳри Душанбе бахшида ба Рӯзи ҷавонон мусобиқаи варзишӣ оид ба волейбол баргузор гардид.

Мусобиқаи мазкур тибқи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва нақшаи чорабиниҳои Раёсати Донишкада дар доираи моҳвораи ҷавонон доир шуда, рақобатҳо ҷолибу диданӣ сурат гирифтанд.

Ба таъкиди масъулин, мақсад аз мусобиқаи мазкур тарғиби тарзи ҳаёти солим, ҷалб намудани донишҷӯён ба машғулиятҳои мунтазами тарбияи ҷисмонӣ ва варзиш, тарғибу ташвиқи волейбол байни донишҷуён, мустаҳкам намудани дӯстӣ байни онҳо ва ба ин васила баланд бардоштани маҳорати варзишӣ мебошад.