ҶАВОНОН
Ҷумъа 10 Июл 2020 02:50
1841
Табрикоти Аҳтам Абдуллозода, Раиси Кумитаи ҷавонон, варзиш ва сайёҳии назди Ҳукумати ҷумҳурӣ бахшида ба Рӯзи Конститутсия

Ҳар сол дар мамлакат 6 ноябрро ҳамчун Рӯзи Конститутсияи Ҷумҳурии Тоҷикистон ҷашн мегирем.

Конститутсия барои ҳар давлат шакли олии падидаи ҳуқуқӣ ба шумор рафта, дар давраҳои гуногун, баҳри таъмини гузариши ҳаёти ҷамъиятӣ аз як марҳила ба марҳилаи сифатан нави инкишоф қабул мешавад.

Мардуми Тоҷикистон миёни ҷумҳуриҳои собиқ Иттиҳоди Шӯравӣ яке аз аввалинҳо шуда, 6 ноябри соли 1994 бо роҳи раъйпурсии умумихалқӣ Конститутсияи давлати худро қабул кард.

То ин вақт ҳамаи ҷумҳуриҳои бародарӣ, аз ҷумла Тоҷикистон аз конститутсияи пештара истифода мебурданд.

Вобаста ба пешрафти ҷомеа ва бо дарназардошти дигаргуншавии рӯзафзуни зиндагии сокинони кишвар зарурат пеш омад, то 3 маротиба, солҳои 1999, 2003 ва 2016 ба Конститутсия ҷумҳурӣ тағйирот ворид карда шавад. Хусусан, тағйироти охирини воридшуда асосан барои насли ҷавон нигаронида шуда буд. Ин тағйиротҳо барои ҷавонони кишвар тамоми шароитҳоро фароҳам намуд. Синни номзад ба президентӣ дар ҷумҳурӣ, аъзои Маҷлиси миллӣ, вакилони Маҷлиси намояндагон ва судяҳо 30 муайян шудааст. Ин аз ғамхории навбатии хусусан Пешвои муаззами миллат, Президенти мамлакат, муҳтарам Эмомалӣ Раҳмон гувоҳӣ медиҳад.

Эҳтиром гузоштан ба Конститутсия ва риояи қонунҳои амалкунандаи ҷумҳурӣ яке аз муҳимтарин омилҳои амнияту осоиштагӣ ва устувории давлат маҳсуб меёбад. Хусусан дар замоне, ки вазъи ҷаҳон номусоид аст, пойбанди қонун будан аз ҳар вақти дигар дида манфиатноктар аст.

Моро лозим аст, ки гузаштаи на чандон дурро фаромӯш накунем. Қабули Конститутсия барои кишвари тозаистиқлоли мо, ки аз ҷанги дохилӣ хаста шуда буд, роҳи пойдории қонуну риояи ҳуқуқи инсонро боз кард. Имрӯз Тоҷикистон ба як давлати орому осоишта мубаддал гардид.

Боварӣ дорем, ки зери сиёсати хирадмандонаи Пешвои миллат, муҳтарам Эмомалӣ Раҳмон ҳарчи зудтар ба се ҳадафи асосии стратегӣ: баромадан аз бунбасти коммуникатсионӣ, таъмини амнияти озуқаворӣ, ба даст овардани истиқлолияти энергетикӣ ноил хоҳем гашт.

Дар воқеъ, Конститутсияи мо ифодагари ормону омоли мардуми тоҷик аст ва он аз фарҳанги пурғановату таърихи қадимаи миллат сарчашма мегирад. Мо ифтихор дорем, ки тамоми арзишҳои милливу башардӯстиамон имрӯз эҳё шудааст ва онҳо дар муҳимтарин санадҳои давлатдорӣ, аз ҷумла дар Конститутсияи мамлакат ҳамчун меъёр пазируфта шудааст. Аз ин рӯ, вазифаи ҷавонон ва кулли мардуми кишвар ин аст, ки ин меъёрҳоро сармашқи зиндагиву кору фаъолияти ҳаррӯзаи худ қарор диҳанд ва барои поймол нашудани он ҳамеша талош варзанд.

Тамоми сокинони кишвар, алалхусус ҷавонону варзишгарони саодатманди кишварро бо 22-умин солгарди қабули Конститутсияи Тоҷикистони азиз муборакбод гуфта, ба онҳо рӯзгори босафо ва хуррамию осоиштагӣ таманно мекунем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.