ҶАВОНОН
Шанбе 20 Апрел 2024 02:59
4782
Баҳри иштирок дар Фестивали байналмилалии ҷавонон ва донишҷӯёни давлатҳои аъзои Созмони Ҳамкориҳои Шанхай ва Иттиҳоди Давлатҳои Мустақил ҳайати ҷавонон аз кишварҳои Ӯзбекистон, Озарбойҷон, Молдова ва Русия имрӯз - 28 август ба шаҳри Душабе ташриф меоранд.

Ҳайати ҷавонони Қирғизистон ва Қазоқистон дирӯз – 27 август вориди шаҳри Душанбе шуданд. Дар Фурудгоҳи байналмилалии шаҳри Душанбе меҳмононро кормандони Кумитаи кор бо ҷавонон ва варзиши назди Ҳукумати Ҷумҳурии Тоҷикистон пешвоз гирифтанд.

Фестивали байналмилалии ҷавонон ва донишҷӯёни давлатҳои аъзои Созмони Ҳамкориҳои Шанхай ва Иттиҳоди Давлатҳои Мустақил аз 28 то 1 сентябри соли ҷорӣ дар шаҳрҳои Душанбе ва Гулистони вилояти Суғд баргузор мегардад.

Ба иттиллои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар фестивал баргузории конфронс, чорабиниҳои гуногуни фарҳангӣ, илмию эҷодӣ, семинару мизҳои мудаввар бо иштироки ҷавонони давлатҳои аъзои СҲШ ва ИДМ баргузор мегардад.
  
Инчунин меҳмонон дар доираи барномаи фестивали мазкур аз гӯшаҳои таърихӣ ва манзараҳои дилфиреби Тоҷикистони офтобӣ дидан мекунанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.