ҶАВОНОН
Чоршанбе 26 Июн 2019 12:57
6027
Дар доираи III Форуми байналмилалии "Баҳори донишҷӯёни давлатҳои БРИКС ва ШОС", ки рӯзи дуюм аст дар шаҳри Ставрополи Федератсияи Русия баргузор гашта истодааст, 5 июн IV Фестивали пешвоёни ҷавони давлатҳои БРИКС ва ШОС доир гардид. 

Дар ин фестивал Тоҷикистонро Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муаррифӣ намуд.

Зимни баргузории фестивал Аҳтам Абдуллозода дар мавзӯи "Мавқеи ҷавонон дар рушди ҳамкориҳои байналмилалӣ дар доираи БРИКС ва ШОС" маърӯза карда, ҷавононро ояндаи ҳар миллату давлат арзёбӣ намуда ва аз дастгириҳои Асосгузори сулҳу вахдати миллӣ - Пешвои миллат муҳтарам Эмомалӣ Раҳмон нисбати ҷавонони тоҷик ёдовар шуд.

Ҳамзамон раиси кумита зикр кард, ки бисёр муҳим аст, минбаъд худи ҷавонон ташаббускору дар  раванди байналмилаливу ҷамъиятӣ фаъол бошанд.

Аҳтам Абдуллозода бо ёдоварӣ аз эълон гардидани соли 2017 ҳамчун "Соли ҷавонон", ки ба баррасӣ ва ҳалли мушкилоти ҳаёти ҷавонони тоҷик мусоидат намуд, пешниҳод кард, ки яке аз солҳои минбаъда дар доираи БРИКС ва ШОС  "Соли ҷавонон" эълон гардад.

Пешниҳоди мазкур аз ҷониби роҳбарон ва намоянадагони ҳайати давлатҳои БРИКС ва ШОС хуб пазируфта шуд.

Шодихони НАЗАР, шаҳри Ставрополи Федератсияи Русия

05.gif

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.