ҶАВОНОН
Ҷумъа 10 Июл 2020 02:19
1279
Бахшида ба 25-умин солгарди Истиқлолияти давлатии Ҷумҳурии Тоҷикистон бо ташаббуси Кумитаи ҷавонон, варзиш ва сайёҳӣ, Раёсати ҷавонон, варзиш ва сайёҳии вилояти Хатлон ва дастгирии мақомоти иҷроияи маҳаллии ҳокимияти давлатии вилояти Хатлон дар ноҳияи Ховалинг форуми ҷавонони вилояти Хатлон таҳти унвони "Ҷавонон - таҳкимбахши дастовардҳои Истиқлолият" баргузор гардид, ки дар он беш аз 300 нафар ҷавони касбу кори гуногун аз тамоми манотиқи кишвар ширкат доштанд. Азбаски бисёре аз ҷавонон бори аввал дар чунин як ҳамоиш иштирок мекарданд, чанде аз онҳоро пурсидем, ки:

  Фирдавс ҒАФУРЗОДА, роҳбари “Гурӯҳи ҷавонони ташаббускор дар шаҳри Норак”:Фирдавс.gif
 - Ҳамоиш дар сатҳи баланд доир шуд. Он ҷавонони чор гӯшаи Тоҷикистонро ба ҳам овард. Дар доираи форум ҳам вохӯрӣ бо фаъолони ноҳияи  Ховалинг сурат гирифт, ҳам мулоқот бо раиси вилоят. Мавзеъҳои таърихии як гӯшаи Тоҷикистони азизро - зиёратгоҳи Хоҷа Аюбӣ Ансорӣ,  оромгоҳи ҳазрати Султон Увайси Қаранӣ ва осорхонаи Қаҳрамони халқи тоҷик Восеъро зиёрат намудем. Хулоса, форум ба мо имкони ошноӣ бо таърихи кишварро дод.

Умедаи ШЕРАЛӢ, аз ноҳияи Шамсиддини Шоҳин:умеда.gif
- Ба назари ман, ҳадафи асосии форум таҳким бахшидани дӯстӣ миёни ҷавонони минтақаҳои кишвар аст. Ба ҳам овардани онҳост. Шахсан ман аз ҳар минтақаи кишвар дӯстони нав ёфтам. Вале бояд форумҳо якранг набошанд, танҳо омадану дидану рафтан не, балки боз ҳам барномаҳои чунин ҳамоишҳоро беҳтар кунем, то самари бештар ба даст биёяд. Агар чунин ҷамъомадҳо бо барномаҳои боз ҳам рангинтар доир шаванд, нур болои нур хоҳад шуд.

  Бахтиёр ФАЙЗИЗОДА, аз ноҳияи Панҷ:Бахтиёр.gif
 - Мақсад ва мароми баргузории Форми ҷавонон зери ливои “Ҷавонон - таҳкимбахши дастовардҳои Истиқлолият”, ки бахшида ба 25-умин  солгарди Истиқлолияти давлатии Ҷумҳурии Тоҷикистон баргузор гардид, мутаҳидии мо - ҷавонони саодатманди диёр аст. Ман аз форум т  аассуроти зиёд бардоштам. Аз ҷумла шиносоӣ бо ҷойҳои таърихӣ, аз ҳаёту фаъолияти Восеи каҳрамон, аз ҳама муҳим, дӯстӣ пайдо кардан бо    ҷавонони дигар минтақаҳои Тоҷикистон.

Фархунда ИСОЕВА, иштирокчӣ:
- Ростӣ, ман бори аввал аст, ки дар форуми ҷавонон иштирок менамоям. Ноҳияи зебоманзари Ховалингро ҳам бори аввал дидам. Дарк кардам, ки воқеан мо - ҷавонони хушбахти даврони Истиқлолияти Ватанем. Акнун донистам, ки миллати мо таърихи куҳан ва бой дорад. Зеро осори таърихиро, маконҳои таърихиро дар Ховалинг бо чашми сар дидам. Барои созмон додани чунин як форуми бузург миннатдории худро ба мутасаддиён иброз менамоям.

Мирзосодиқ САНГИНОВ, аз вилояти Суғд:мирзосодиқ.gif
- Мақсад аз баргузории форум таҳкими дӯстӣ байни ҷавонон ва тарғибу ташвиқи дастовардҳои замони соҳибистиқлолӣ буд. Мо барои огоҳӣ ёфтан аз таърихи худ ва шоҳид шудан бо маконҳои таърихии кишвар ба ноҳияи Ховалинг омадем ва дар ҳақиқат ҷойҳои зиёди таърихиро ҳам дидем. Боварии комил дорам, ки мо - ҷавонони мамлакат дар якҷоягӣ сиёсати давлатамонро пеш бурда метавонем. Зеро Сарвари давлат ба нерӯи ҷавонон эътимоди зиёд дорад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.