Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, 6-уми март, дар ноҳияи Рашт Форуми якуми иттилоотнокии ҷомеаи шаҳрвандӣ: “Роҳ ва усулҳои муосири муқовимат ба омилҳои номатлуби ҷомеа: экстремизм, терроризм ва бемориҳои сироятии ҷинсӣ миёни ҷавонон” баргузор гардид.

Дар форуми мазкур иҷрокунандаи вазифаи раиси ноҳияи Рашт Раҳимҷон Набизода, намояндагони Прокуратураи генералии Тоҷикистон, Кумитаи кор бо занон ва оила, Вазорати корҳои дохилӣ, Вазорати тандурустӣ ва ҳифзи иҷтимоии аҳолӣ, Кумитаи давлатии амнияти миллӣ ва имомхатибон иштирок ва суханронӣ карданд.

Мақсад аз баргузории Форуми якуми иттилоотнокии ҷомеаи шаҳрвандӣ: “Роҳ ва усулҳои муосири муқовимат ба омилҳои номатлуби ҷомеа: экстремизм, терроризм ва бемориҳои сироятии ҷинсӣ миёни ҷавонон” огоҳ намудани ҷавонон аз бемориҳои сироятӣ, пешгирӣ намудани онҳо аз пайвастан ба ҳар гуна гуруҳҳои тундрави террористиву экстремистӣ ва оқибатҳои нохуши он мебошад.

Суратгузориш аз рафти форуми мазкур.