ҶАВОНОН
Ҷумъа 21 Июн 2024 08:04
9672
14 сентябр дар меҳмонхонаи “Атлас”-и шаҳри Душанбе дар ҳошияи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал Форуми соҳибкорони ҷавони Осиёи Марказӣ баргузор гардида, дар он соҳибкорони ҷавони давлатҳои Осиёи Марказӣ иштирок ва баромад намуданд.

Умед Раҳимзода, муовини раиси Иттифоқи ҷавонони Тоҷикистон чорабиниро ифтитоҳ намуда, таъкид кард, ки баргузории форуми мазкур метавонад, ба пурзӯр намудани робитаҳои тиҷоратӣ байни соҳибкорони ҷавони Осиёи Марказӣ мусоидат намояд.

Тавре Самиаллоҳ Шерализода, директори корхонаи воҳиди давлатии "Маркази рушди зеҳнӣ ва иқтисодии ҷавонон”-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон мегӯяд:

“Дар форуми мазкур соҳибкорони ҷавон аз давлатҳои Осиёи Марказӣ, аз ҷумла, Узбекистон, Туркманистон, Қазоқистон, Қирғизистон ва Тоҷикистон иштирок намуданд. Дар чорабинӣ соҳибкорон баромад намуда, фаъолияти соҳибкории худро ба ҷавонон муаррифӣ намуданд, ки ин метавонад ба инкишоф ва рушди соҳибкорӣ миёни ҷавонони Осиёи Марказӣ таъсири мусбат расонад”.

Гуфта шуд, ки баргузор намудани чунин форумҳо метавонад дар ҳавасманд гардонидани соҳибкорони навкор, пайдо намудани шарикони нави тиҷоратӣ ва роҳандозӣ намудани ҳамкорӣ байни соҳибкорон мусоидат намояд.

Г. КАРИМОВА, “ҶТ”


Эзоҳи худро нависед



Рамзҳо дар расм