Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар бинои Душанбе-плаза Форуми ҷумҳуриявии волонтёрони Тоҷикистон таҳти унвони “Волонтёрӣ шараф аст” баргузор гардид.

Форум бахшида ба Рӯзи ҷавонони Тоҷикистон доир карда шуда, дар он роҳбарони маҳфилҳои волонтёрӣ аз 68 шаҳру ноҳияи кишвар иштирок намуданд.

Аҳтам Абдуллозода, раиси Кумитаи кор бо ҷавонон ва варзиш зимни ифтитоҳи форум ҳамаи ҷавононро ба Рӯзи ҷавонон табрик намуда, иброз дошт, ҷавонони мо имрӯз аз зумраи саодатмандтарин наслҳое мебошанд, ки даврони ҷавонии онҳо ба чунин айёми тинҷиву амонӣ ва ҳамбастагиву ҳамдилии инсонҳо рост омадааст. Ҳамаи ин бо шарофату ғамхориҳои падаронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст. 

Ба таъкиди масъулин дар доира  форум баргузории чорабиниҳои маърифатӣ-фарҳангӣ, илмию адабӣ ва варзишӣ ба нақша гирифта шуда, он метавонад, ҷиҳати рушди фаъолияти волонтёрӣ дар Ҷумҳурии Тоҷикистон мусоидат намояд.