ҶАВОНОН
Чоршанбе 13 Ноябр 2019 05:29
5652

Нимаи дуюми рӯзи 4-уми апрел, як гуруҳ донишҷӯён ҷиҳати шомил гардидан, ба сафи гуруҳи волонтёрони рӯзномаи “Ҷавонони Тоҷикистон” ба идораи рӯзнома ташриф оварданд.

Иқдоми мазкур бори аввал дар нашрия пешбарӣ шуда, аз рӯзи нахустини эълони қабули волонтёрон дар назди рӯзнома, ки санаи якуми апрел сурат гирифт, ҷавонону донишҷӯёни зиёд ба унвони рӯзнома муроҷиат намуда, 18 нафар донишҷӯён аз Донишгоҳи миллии Тоҷикистон, Донишгоҳи давлатии омӯзгории Тоҷикистон ба номи С.Айнӣ ва Донишгоҳи идоракунии давлатии назди Президенти кишвар аъзои гуруҳи волонтёрони назди рӯзнома гардиданд.

Дар рӯзи нахустин волонтёрон бо рафти кори рӯзнома, таърихи он, кормандон ва саҳифаҳои рангини он шинос шуда, бо аҳли эҷоди рӯзнома суҳбатҳо анҷом доданд.

Зимни суҳбат таъкид гардид, ки нашрия имрӯз бо ҷалби мутахассисони варзидаи соҳаи рӯзноманигорӣ ҳамқадами ҳаёти ҷавонон ва ҷузъи муҳиму ҷудоинопазири ҷомеаи озоду демократӣ буда, бо таъмини фазои иттилоотӣ ба ҷавонони кишвар дар интихоби дурусти мавқеи хеш дар зиндагӣ ва дарёфти ҳақиқатҳои ҷаҳони нав матолиби хубу хонданиро пешкаши аудиторияи хеш мегардонад.

Ёдовар мешавем, қабули волонтёрон (мухбири ихтиёрӣ) дар назди рӯзнома ҷиҳати сайқал додани маҳорати нигорандагии ҷавононе, ки шавқи навиштан доранд, ба роҳ монда шуда, ҳадаф аз он дастгирӣ ва омода намудани журналистони ҷавон мебошад.

04.gif


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.