ҶАВОНОН
Шанбе 25 Май 2024 11:18
9762
9 ноябр дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон маросими кушодашавии семинари омӯзишӣ ҷиҳати тақвияти фаъолияти волонтёрӣ дар Ҷумҳурии Тоҷикистон таҳти унвони “Фаъолияти волонтёрӣ – баҳри ояндаи дурахшон” баргузор гашт.

Дар семинари мазкур Абдулло Раҳмонзода, раиси Кумитаи кор бо ҷавонон ва варзиши назди Ҳукумати кишвар, кормандони ин ниҳод ва донишҷӯёни фаъоли макотиби олӣ иштирок намуданд.

Семинарро Абдулло Раҳмонзода, раиси КҶВ оғоз намуда, оид ба фаъолияти волонтёрӣ ва манфиатҳои ин навъи фаъолият баҳри ватану миллат суханронӣ кард.

-Фаъолият дар самти волонтёрӣ аз чанд ҷиҳат бартариҳои худро дорад. Аз он ҷумла баҳри худи ҷавонон низ манфиатовар мебошад. Ҷавонон метавонанд бо машғулшавӣ ба фаъолияти волонтёрӣ вақти холигии худро пур намоянд. Чунин фаъолиятҳо боис мегардад, то дар ҷавонон боварӣ нисбат ба худ бештар гашта, дар рушди минбаъдаи давлат саҳмгузор бошанд, - гуфт А. Раҳмонзода.

Таъкид гардид, ки мақсад аз баргузории чорабинии мазкур ҷалби бештари ҷавонони фаъол ба фаъолияти волонтёрӣ мебошад.
Семинари омӯзишӣ то 11-уми ноябр идома меёбад.

Ҳ. РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм