Имрӯз 1 апрел, дар Комиссариати ҳарбии ноҳияи Исмоили Сомонии шаҳри Душанбе маросими гусели як гурӯҳ ҷавонони ихтиёрӣ ба сафи Артиши миллӣ доир гардид.

Дар чорабинии мазкур масъулин аз мақомоти иҷроияи ҳокимияти давлатии ноҳия иштирок намуда, ин иқдоми ҷавононро ҷавонмардона унвон намуда, таъкид сохтанд, ки ҳар як ҷавони синни даъватӣ бояд бо мақсади иҷрои рисолати ҷавонмардӣ ва баҳри ҳифзи марзу буми Ватан хизмати Ватан-модарро адо намояд.

Гусели наваскарон бо гузаронидани барномаи фарҳангиву фароғатӣ ҷараён гирифта, гуфта шуд, ки давлату миллат аз чунин ҷавонони бонангу ор ҳамеша ифтихор мекунад.