Шоми 4 июн III Форуми байналмилалии "Баҳори донишҷӯёни давлатҳои БРИКС ва ШОС" расман ба кори худ оғоз кард.  

Баҳри иштирок дар форуми мазкур зиёда 400 нафар ҷавонон аз 22 давлати ҷаҳон ташриф оварданд. 

Майдони Динамои шаҳри Ставропол баҳри истиқболи донишҷӯёни хориҷ бо парчамҳои давлатҳои иштирокчӣ ороста шуд. Тоҷикистонро дар баробари донишҷӯёни дар шаҳри Ставропол таҳсилдошта, 16 нафар ҳайати расмӣ, бо роҳбарии Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муаррифӣ намуданд. 

Дар оғози кушодашавӣ иштирокчиён бо либосҳои ягона ва парчамҳои давлати худ қадамзанон гузаштанд, ки гурӯҳи ҷавонони тоҷик яке аз беҳтаринҳо ҳисобида шуд.

Сипас, чорабинии фарҳангӣ - фароғатии "Open air” бо иштироки намояндагони ҷавони давлатҳои иштирокчӣ баргузор гардид.



Шодихони Назар аз шаҳри Ставрополи Федератсияи Руссия барои "Ҷавонони Тоҷикистон"