Дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои ВМКБ иншооти таъиноти гуногун мавриди истифодаву баҳрабардорӣ қарор дода шуд.

Аз ҷумла, 12 октябр раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамроҳ бо раиси ноҳияи Ишкошим ва намояндаи Ҳукумати Ҷумҳурии Тоҷикистон, директори Маркази миллии қонунгузории назди Президенти Ҷумҳурии Тоҷикистон дар деҳоти Рэни ҷамоати деҳоти Рустамбек Юсуфбекови ноҳияи Ишкошим майдончаи варзишии наверо мавриди баҳрабардорӣ қарор доданд.

Ба иттилои бахши таҳлил ва иттилооти Кумита майдончаи варзишӣ дар доираи барномаи корҳои ободонӣ бахшида ба ҷашни 35-солагии Истиқлоли давлатии Ҷумҳурии Тоҷикистон аз ҷониби ҷавонони ватандӯстӣ деҳоти Рэни ноҳия сохта шудааст, ки дар рушди варзиш ва таъмини тарзи ҳаёти солим дар ин гӯшаи дурдасти ҷумҳурӣ хизмат хоҳад кард.

Майдончаи варзишӣ бо ҷойгиркунонии майдони футбол дар масоҳати (18х30 ) 540 метри мураббаъ сохта шудааст.