13 январ Бахши кор бо ҷавонон ва варзиши ноҳияи Исмоили Сомонӣ дар ҳамбастагӣ бо Сарраёсати иҷрои ҷазои ҷиноятии Вазорати адлия бахшида ба 26 - солагии таъсисёбии Қувваҳои Мусаллаҳи Ҷумҳурии Тоҷикистон дар қисми ҳарбии 6593 бо сарбозону афсарон вохӯрӣ доир намуд.

Дар он Иброҳимзода Амир, мудири Бахши кор бо ҷавонон ва варзиши н. И. Сомонӣ, Сайвалӣ Шаҳобов  ва Вализода Осимӣ намоянда аз мақомоти иҷроияи ҳокимияти давлатии ноҳия, инчунин афсарону сарбозон иштирок доштанд.

Иброҳимзода Амир зимни суханрониаш сарбозонро дар роҳи худшиносӣ ва дифоъ аз марзу бум даъват кард. Ҳамчунин гуфт, ки хизмат ба халқу Ватан аз нишонаҳои олии мардонагӣ маҳсуб гардида, ҳар ҷавони ватандӯсту худшиносро мебояд аз ин мактаби мардонагиву ҷасорат гузарад.

Дар ҷамъбасти чорабинӣ чанд нафар аз сарбозону афсарон барои хизматҳои софдилона ва иштироки фаъолонаашон дар баргузории чорабиниҳо бо сипосномаҳо қадрдонӣ шуданд.