Дар Донишкадаи иқтисод ва савдои Донишгоҳи тиҷоратии Тоҷикистон дар шаҳри Хуҷанд вохӯрии судманд оид ба шарҳу тавзеҳи Паёми солонаи Пешвои миллт ба Маҷлиси Олӣ доир гардид.

Дар он ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии ҷумҳурӣ Маҳмадулло Ватанзода, вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ, директори маркази зоологияи Академияи илмҳои Тоҷикистон Файзалӣ Ҳакимов ва раиси шаҳри Хуҷанд Шарифзода Шариф Файз иштирок намуданд.

Зимни суханронӣ Маҳмадулло Ватанзода оид ба дастовардҳои 25-соли истиқлол ҳарф зада таъкид дошт, баромадан аз бунбасти коммуникатсионӣ, бунёди роҳҳои нав ва расидан ба истиқлолияти энергетикӣ ҳадафҳои созандаи Пешвои миллат мебошад, ки ба ин ҳадафҳо мардуми шарифи Тоҷикистон зина ба зина расида истодааст.

М. Ватанзода таъкид намуд, ки дар Паёми имсолаи сарвари давлат ба масъалаҳои мубориза бо коррупсия, терроризм, экстремизм ва нашъамандӣ диққати махсус дода шуд. Сарвари давлат таъкид доштанд, ки мо бояд ҳама якдилу якҷон барои сулҳу ваҳдат ва суботу оромии кишвар талош варзида, шомилшавии ҷавононро ба ҳар гуна ҳизбу ҳаракатҳои иртиҷоӣ пешгирӣ намоем.

Саодат ИСМОИЛӢ,"ҶТ"