Варзишгарони тоҷик аз 21 феврал то 3 марти соли равон дар шаҳри Қазони Федератсияи Русия дар мусобиқаи байналмилалии маҷмуии “Бозиҳои оянда” ширкат мекунанд.

Дар ин бора Sputnik.tj бо истинод ба Кумитаи кор бо ҷавонон ва варзиши назди Ҳукумати кившар хабар додааст.

Ба иттилои манбаъ, дар ин мусобиқа кишвари моро 35 варзишгар дар сабқатҳои инфиродӣ ва гуруҳӣ дар панҷ намуди варзиш намояндагӣ мекунанд.

Ёдовар мешавем, ки “Бозиҳои оянда” як мусобиқаи густардаест, ки барои нахустин бор дар таърих баргузор шуда, мусобиқаҳои ҷисмонӣ ва рақамиро муттаҳид мекунад ва мақоми мусобиқаи байналмилалиро дорад.

“Қарор аст, ки дар он зиёда аз 260 даста ва беш аз 2000 варзишгар аз 107 кишвари гуногун дар 21 риштаи инноватсионии: 16-тои асосӣ ва 5-то дар барномаи васеъ ширкат кунанд. Мусобиқа ба 5 категория тақсим мешавад: варзиш, усул, стратегия, технология ва суръат,” - омадааст дар хабар.

Бозиҳо бисёрҷабҳа ва бо формати нав мебошанд, ки аввалин бор дар таърих доир шуда, мусобиқаҳои ҷисмонӣ ва рақамиро муттаҳид мекунанд, дар варзиши ҷаҳонӣ давраи навро оғоз месозанд.

Маблағи умумии ҷоиза дар ҳама риштаҳо 10 миллион долларро ташкил медиҳад.

Хуршед ХОВАРӢ, "ҶТ"