Дар ҷамоати деҳоти Қалъаи Хуми ноҳияи Дарвоз миёни ҳайати шахсии сарбозони қисми ҳарбии 0409 – и Сарраёсати Қушунҳои сарҳадии КДАМ ва ҷавонон мусобиқаҳои гуногуни варзишӣ доир гардид.

Мусобиқаҳо аз рӯи намуди гуштини миллӣ, давидан ба масофаи 100 метр, гирбардорӣ, ва ғайра ташкил шуда, ғолибон аз тарафи Бахши кор бо ҷавонон ва варзиши ноҳия бо ифтихорнома, медалу тӯҳфаҳои хотиравӣ сарфароз гаштанд.

Ба иттилои Талабшо Аламов, мудири Бахш, дар баробари баргузории мусобиқаҳо, ҳамчунин барои ҳайати шахсии афсарону сарбозон барномаи консертӣ, намоиши саҳнавӣ, қироати шеърҳо дар васфи Ватан – модар ташкилу гузаронида шуд.