Имрӯз Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар толори маҷлисгоҳи кумита бо иштирокчиёни лагери омӯзишию сайёҳатии “Ҷавонон - пайрави Пешвои миллат” мулоқот намуда, лагери мазкурро оғоз бахшиданд.

Раиси кумита зимни суханронии хеш аз саҳми ҷавонон дар рушду нумуи кишвар ёдовар шуда, таъкид намуданд, ки бояд ҳар як ҷавон аз имкониятҳои мавҷуда самаранок истифода барад ва мутахассиси варзида гардида, саҳми худро дар рушди меҳан гузорад.

Бояд гуфт, ки лагери омӯзишию сайёҳатии “Ҷавонон - пайрави Пешвои миллат” дӯ рӯз, 29 - 30 январи соли ҷорӣ баргузор гардида, дар он волонтёрон аз тамоми шаҳру ноҳияҳои мамлакат иштирок доранд.
Иштирокчиёни лагер пас аз мулоқот бо Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон тибқи барномаи лагер нахуст аз “Кохи Наврӯз” дидан намуда, аксҳои хотиравӣ гирифтанд.

Лагери мазкур, ки ду рӯз давом мекунад, иштирокчиён рӯзи аввал аз мавзеъҳои сайёҳии шаҳри Душанбе ва дар рӯзи дуюм бошад, аз Маҷмааи лижаронии “Сафеддара” дидан мекунанд.
Аз ҷараёни лагери мазкур дар соатҳои баъдӣ низ иттилоъ хоҳем дод.