Озмуни "Пули чинӣ", ки ҳамасола дар Пекин пойтахти Ҷумҳурии мардумии Чин барои донишҷӯёни хориҷ баргузор мегардид, ҷамъбаст шуд.

Мӯниса Насруллоева, донишҷӯи бахши 4-уми факултети шарқшиносии Донишгоҳи давлатии Хуҷанд буда, дар ин озмун иштирок намуда, ғолибиятро ба даст овард. Мӯниса Насруллоева, миёни донишҷӯёни кишварҳои Осиёи Марказӣ мақоми сеюмро ишғол намуда, ба рӯйхати 15 донишҷӯи беҳтарини донандаи забони чинӣ ворид шуд.

Гуфта мешавад, ки Мӯниса Насруллоева нахустин иштирокчӣ аз Тоҷикистон мебошад, ки дар ин озмун ҷойи ифтихориро ишғол кардааст.

Ёдовар мешавем, ки озмуни "Пули чинӣ" аввалин маротиба соли 2002 доир гардида, то инҷониб дар он зиёда аз 100 ҳазор донишҷӯ аз 50 кишвари ҷаҳон ширкат варзидааст.